Mi primera publicacion Catálogo de Pensar coas mans | Page 519

517
outros materiais e da democratización das xoias,
buscando unións con materiais más accesibles sen
que vaia en detrimento do deseño do produto. Nas
súas últimas coleccións de prata, como Entre pla-
nos, presenta unha serie limitada na cal «imperan
formas xeométricas como liña básica de desen-
volvemento. Un compendio de planos asociados e
estruturas que xogan a ser o positivo e o negativo
na nosa visión espacial desenvolvendo volumes,
en ocasións dispostos en orde simétrica e noutros
barallando un complicado azar».
MARIO LÓPEZ ORFEBRE
Este ourive considera que todas as súas pezas
poden estar definidas tanto pola reutilización de
materiais en desuso coma pola reivindicación
dunha segunda vida para as cousas e as historias
que gardan. A arte povera defínese por tratar de
levar a atención do espectador cara a aspectos
(obxectos) cotiáns anónimos e rutineiros aos
que nunca se atribuíra ningunha calidade artística.
Mario López afirma que se identifica con este
movemento artístico á hora de traballar e crear
xoias con este movemento. Á vez, o seu traballo
está ligado ao wabisabi xaponés ou á beleza da
imperfección.
NOROESTE OBRADOIRO
Noroeste Obradoiro é un taller e galería de xoiería
artesanal de Santiago de Compostela composto
por José Castro e Antonio Ibáñez. José Castro
dirixe a firma desde o 2017. Ambos posúen unha
extensa experiencia e formación tanto no ámbito
nacional coma internacional, na que destaca a súa
participación en exposicións, feiras de artesanía
de renome, obtendo, pola súa vez, premios tan
recoñecidos como o Premio Artesanía de Galicia no
ano 2016, coa peza Voluta, Volutidae. Non obstante,
cabe destacar que os traballos de José Castro e de
Noroeste Obradoiro encarnan o que hoxe en día se
podería denominar como artesanía de luxo. As súas
producións á man engloban tanto as xoias coma
os obxectos decorativos ou de mesa, tal e como
se comproba en elaboradas pezas para degustar
caviar ou xeado… En todos eles resulta clara a
creatividade, o deseño e a depuración das técnicas
e acabados aplicados ao ouro e á prata. A delica-
deza e beleza das súas elaboracións, así como a
adecuación das súas formas á contemporaneidade,
constitúen verdadeiros sinais de identidade deste
taller de artesáns.
RODRIGO RIVEIRO-FERRAXE DE PRATA
Detrás da marca Ferraxe de Prata está o artesán
Rodrigo Riveiro que, no ano 2017, obtivo o Premio
Artesanía de Galicia por unha das súas pezas,
un colar realizado con fragmentos de porcelana
e prata que distingue a súa forma de traballar e
plasma o oficio e a experiencia acumulada. Utiliza
porcelanas francesas, inglesas ou louzas locais
para realizar as súas xoias e que el mesmo relata
como un feito casual. «Cando fregando os pratos
da casa me rompeu un… dos que quedaban da
familia, sentín a necesidade de conservar un anaco
dese prato facendo o que mellor sei, unha xoia.
Despois de moita indagación, xogando e probando
con diferentes materiais (azulexos, porcelana, louza
fina...), conseguín un resultado óptimo e logrei así
a maneira de recuperar esa louza que xa non vale
para o fin para o que foi creada. Así creo unha peza
única e exclusiva dándolle unha nova oportuni-
dade a esas louzas vellas e rotas». Eses anacos ou
fragmentos chegan incluso a respectar as formas
curvas da base dun recipiente roto, creando xoias
de grande orixinalidade e froito dunha experimen-
tación e ensaio continuos. Rodrigo cita que existe
no Xapón unha técnica milenaria «que consiste en
volver unir pezas de louzas rotas por medio dunha
pasta con ouro en po. Esta técnica recibe o nome
de kitsugi, carpintería de ouro». Con esta técnica
de traballo séntese plenamente identificado e
en todas as súas creacións se pode observar o
resultado dun novo xeito de abordar a artesanía,
formulada desde a investigación e a busca, e na
que destaca sempre a fusión e hibridación de
materiais e técnicas.
OSCAR RODRÍGUEZ JOYEROS
En 1985, Óscar Rodríguez Blanco, levado pola súa
tradición familiar e o seu coñecemento do mercado
de xoiería fundou a súa primeira tenda e taller de
xoiería en Viveiro. En 1994, debido ao crecemento
da firma e á necesidade dunha infraestrutura
maior, amplía as súas instalacións, converténdose
nun dos talleres xoieiros máis importantes de
Galicia. A partir de 1995, Óscar Rodríguez parti-
cipa en feiras como a cita internacional de Iberxoia
(Madrid) expoñendo as súas novas obras, unha
combinación de creación, estética, elaboración
artesanal e un toque de atrevemento que converte
cada xoia nunha auténtica obra de arte.
Desde o ano 2004 participou en diferentes
feiras de ámbito nacional e internacional como
bcn Futur, Inhorgenta (Múnic). No ano 2006
trasladouse a un edificio que é o resultado da reha-
bilitación de dous antigos inmobles para a súa con-
versión nun centro integral de proceso de deseño,
elaboración e venda das creacións. Ao longo da súa
traxectoria profesional recibiu importantes premios
e recoñecementos, como o AN GemAwards, Premio
Nacional de Artesanía o Premio Artesanía de
Galicia, entre outros.