Mi primera publicacion Catálogo de Pensar coas mans | Page 517

515
participando así en numerosas mostras en vivo
por diferentes feiras de artesanía galega. No seu
espazo de creación, realiza numerosos talleres
tanto individuais coma colectivos. Estes talleres
tamén se levan a cabo en diferentes lugares: museo
Eugenio Granell de Santiago de Compostela, Casa
da Galicia de Lisboa, claustro da catedral de Tui,
onde se crearon en grupo diferentes pezas de
ourivería, deixando a última como mostra no museo
da catedral. Outro aspecto importante do labor de
Susi Gesto é difundir e dar a coñecer a importancia
do traballo da ourivería, colaborando habitualmente
na revista do Colexio Oficial de Xoiería de Galicia,
Alento, e na revista da Asociación Antropolóxica
Galega, Fol de Veleno, onde todos os temas tratados
nos seus artigos reflicten a esencia do seu traballo.
Ademais de obter numerosos premios e
recoñecementos, este ano 2019 foi elixida como
representante artesá no stand de Galicia na Feira
Internacional de Turismo (Fitur).
KATUXA PLATERO
Detrás desta marca está unha deseñadora de pezas
únicas ou edicións limitadas de xoiería. Fórmase
na Escola de Artes e Deseño Mestre Mateo de
Santiago de Compostela, pero é en Porto onde
descobre o mundo das xemas e como resaltar as
súas características naturais e combinacións. É
unha xoiería de autora na que Katuxa deseña pezas
por petición dos seus clientes. Tamén reelabora
pezas antigas para convertelas en xoias actuais.
Influencias da alta xoiería ou de épocas como o
Art Decó pasadas pola peneira contemporánea
definen os seus deseños na que as xemas son
protagonistas.
KINGA HAUDEK
Esta xoieira afincada en Compostela mostra colec-
cións esenciais que ademais beben da tradición e a
pegada da ourivería compostelá. Na súa colección
Calles de Santiago, realizada en prata de primeira
lei, evoca o empedrado das súas rúas. O seu deseño
áspero e ao mesmo tempo delicado representa
as pedras omnipresentes e características desta
cidade. En palabras da propia Kinga, as súas pezas
convídannos a un paseo pola cidade vella, polo
camiño das pedras.
LEONLAGATA
Leónlagata é a firma de accesorios da deseñadora
Mónica Bastón, que recupera o proceso cerámico
tradicional para aplicalo á xoiería contemporánea.
A natureza, as formas xeométricas adoitan ser
referencias claras na súa obra. Todas as pezas están
deseñadas e producidas no seu pequeno estudio
situado no sur de Galicia. Todas elas están feitas
de xeito artesanal, unha por unha. Ás súas pezas
cerámicas aplícalles dúas coceduras a baixa tem-
peratura (980º/1040º). Cada unha das doas está
modelada e esmaltada á man. Por iso, cada peza
é única e diferente debido a este buscado proceso
artesanal.
SOLEDAD MATO
Soledad Mato é unha artesá xoieira e deseñadora
das súas propias xoias, elaboradas en prata e
utilizando exclusivamente técnicas manuais, polo
que cada peza é única e irrepetible. A utilización
de minerais, pedras ou xemas sempre engarzadas
en prata confírelles ás súas pezas unha diversi-
dade e riqueza cromática e formal. É habitual a
súa presenza en numerosas feiras e certames de
artesanía, ademais da faceta docente impartindo
talleres de xoiería.
ROSA MÉNDEZ
Desde os seus inicios experimentou coa pintura e
a escultura, o seu proceso creativo pasou por dis-
tintas etapas ata desembocar na xoiería. Produce
pezas feitas á man no seu estudio situado en Teo.
O vidro é o material a través do cal se vai trenzando
un fío argumental que vai conectando toda a súa
obra. O seu estilo caracterízase por ser moi persoal
e intemporal, ignorando o innecesario co fin de
achegarse a unha pureza formal. O seu traballo é
unha abstracción cromática e formal da paisaxe
que a rodea. Unha paisaxe real ou imaxinaria que
traduce a paisaxe íntima das súas emocións. A súa
obra pode verse en galerías e en tendas de museos:
moma San Francisco, Paul Getty Os Anxeles,
Guggenheim Venecia, Royal Academy of Arts
Londres, Museum of Contemporary Art Chicago,
Thyssen, Caixaforum, entre outros. Premios e
recoñecementos son numerosos na súa obra, tales
como o Premio Artesanía de Galicia.
MILBRUMAS
Milbrumas defínese a si mesma como unha marca
de xoiería que reflicte o encontro entre deseño
e artesanía. Cada colección parte dunha idea
que irá tomando forma a través do traballo sobre
metal e en ocasiones mediante a combinación de
diferentes materiais tales como acibeche, madeiras
nobres, aceiro ou coiro, ata conseguir que cada
peza transmita a súa esencia dun modo individual
e, pola súa vez, sexa parte do concepto. Este efecto
créase a través dun deseño limpo e minimalista,
froito da planificación e o estudo das formas. Así
mesmo, á hora de abordar deseños personalizados,
a atención ao detalle aplícase a cada peza para
lograr un resultado especial e único. É un exemplo
da fusión que experimenta a xoiería actual con