Mi primera publicacion Catálogo de Pensar coas mans | Page 513

511
unha marca galega que deseña bolsos e pezas
de decoración realizados con corda de algodón
e fibras naturais. Pequenas producións creadas
artesanalmente que lembran a cerámica en formas
e volumes e a cestería nas técnicas de entrela-
zado que utiliza. Na súa traxectoria profesional,
formando parte de Artesanía de Galicia e a través
da fundación, participa en varias feiras nacionais
e internacionais de decoración, como son Tent
en Londres ou Formex en Estocolmo. En 2018,
inaugúrase o espazo artístico Cuarto Pexigo.
«Mutualismos» é unha exposición conxunta co
estudio de deseño Khos, para a que crea pezas de
decoración e iluminación inspiradas en formas da
natureza, tratando de introducir o parque de Belvís
no espazo. En 2019 forma parte da exposición
«Formas do deseño. Galicia xxi» no Auditorio de
Galicia; un intenso achegamento ao deseño galego
froito dunha colaboración entre o Auditorio de
Galicia e a Fundación didac. Na actualidade está
inmersa na creación de estruturas e artigos para a
decoración de espazos, investigando as posibi-
lidades que poden achegar distintos materiais
naturais. 
JULIA DE LA CAL
Esta deseñadora e artesá formouse na Escola de
Artes Pablo Picasso da Coruña. En 2004 traslá-
dase a Barcelona para estudar Deseño Gráfico
e Deseño Industrial na Escola Massana, cursos
avanzados de Ilustración, a cargo de Ignasi Blanch
na Escola de la Dona e cursos de especialización
en Artes Gráficas na Escola Industrial. Na súa
etapa en Barcelona traballa como deseñadora
gráfica e ilustradora, formando parte do equipo
de Le Commandant e do Estudio Marc Guitart.
Durante os seu estudos de Deseño Industrial
achegouse ao mundo da cestería, e fórmase na
Escola Catalá de Cistelleria, en cursos de cestería
tradicional francesa a cargo de Karen Gossart e
Corentin Laval e de cestería escocesa con Pascal
Carr e Catherine Davies e o obradoiro de cestería
experimental Fibrejant, con Joan Farré, Josep
Mercader, Tim Johnson, Mònica Guilera, Carles
Alcoy e Lore Wild. Durante o 2013 cursará o
obradoiro de posgrao Off Massana, coordinado
por Jesús-Àngel Prieto, no que traballa, investiga
e experimenta coas linguaxes da arte, a artesanía
e o deseño. En 2014 toma contacto directo coa
cestería europea e o cultivo do vimbio con Claudia
Reuter, o centro Weidenzentrum Land Wursten
(Alemaña), Patsy Cahill no centro Sliabh Na mBan
Willowcraft (Irlanda) e Nick Falcon (Gales). En
2016 participa nas Xornadas Internacionais de
Cestería e Construción de Vimbio e tamén no
curso de Cestería, Deseño e Arquitectura Verde
con Tim Johnson, Tom Meskell, Karen Gossart,
Corentin Laval, Joan Farré, Carlos Fontales, Idoia
Cuesta, Beatriz Unzueta e Joxe e Patxi Azurmendi
en Garaion NaturArtea (Araba). En 2015 establé-
cese de novo en Galicia, compaxinando o deseño
gráfico coa cestería. Colabora con institucións
e colegas artesáns e imparte cursos formativos
sobre cestería. Participa habitualmente en feiras
e encontros de cestería e é membro da Associació
Catalana de Cistellaires e en 2017 obtén a carta de
artesá de Artesanía de Galicia.
Nos seus obxectos destacan pezas de mobilia-
rio como UOU!, un moble para o descanso, unha
randeeira «que toma a súa forma e función de algo
tan sinxelo coma un niño ou un ovo. A súa forma
paraboloide permite descansar e balancearse».
CARMEN FIEIRAS
Esta artesá cesteira lucense coñece as técnicas
da cestería tradicional, pero tamén experimenta
e innova acudindo a outros materiais como a
medula de ratán ou outras fibras para obter outros
resultados e usos. O seu labor docente impar-
tindo cursos e obradoiros de cestería tradicional
combínase coas súas producións cesteiras nas que
tamén ensaia renovadas propostas para a cestería,
como pode ser a indumentaria. Retomando o uso
tradicional da cestería como traxe, tal e como com-
probamos na coroza, ela proponnos novos deseños
e realizacións baseadas na moda, na que a cestería
xa non é só un simple complemento, senón tamén
unha peza para vestirse ou engalanarse.
MAURO TRASTOY
Mauro Trastoy é un creador cunha longa traxec-
toria como artista visual, numerosa presenza en
exposicións artísticas e con obra en coleccións de
museos, que actualmente se define como escultor
e deseñador. Na actualidade está centrado na
produción de obxectos lumínicos e na busca de
novos materiais e técnicas para a súa elaboración.
El mesmo define este momento creativo como
«A visibilidade da pegada da man, a repetición de
formas e de xestos sinxelos e ao alcance de cal-
quera persoa, como cortar, pregar, atar… son unha
constante na miña obra e unha liña fundamental
no meu traballo. O propio proceso de creación,
sempre visible e presente, dá lugar a unha multi-
plicidade de formas case similares que se xuntan
para conformar unha sutil estrutura para acoller a
luz. Unha escultura que entretece un tempo dila-
tado e suspendido; unha lámpada, unha luz». En
pezas como as súas lámpadas de arame e cinta de
pintor podemos apreciar técnicas que nos remiten
á cestería, ao origami.