Mi primera publicacion Catálogo de Pensar coas mans | Page 511
509
ferro que esgrafiamos posteriormente. Levan 30
anos no mercado con recoñecemento e extensión a
tendas e galerías de toda España, parte de Europa,
América e Asia. Obtiveron recoñecidos premios
como o premio nacional de artesanía ou Premio
Artesanía de Galicia.
ANA TENORIO. WITCHNEEDS
Ana Tenorio, licenciada en Belas Artes, reparou no
barro xa nesta etapa académica e deuse conta das
súas posibilidades, pero tamén dos poucos medios
para coñecer, investigar e experimentar con este
material, que só desde o século xx adquire unhas
connotacións de creación e de individualidade.
A actual Premio de Artesanía de Galicia 2018,
traballa sen moldes e a súa obra establece unha
relación coa natureza que capta esencialidades
e identidades que fan emerxer o chan húmido do
bosque galego ou as propias árbores, nun barro
que parece resultado dunha alquimia ou mestura
entre a arxila e o brión ou as follas. Desde esa
identificación cun contexto propio as súas pezas
lévante tamén á influencia xaponesa, na que xoga
coas imperfeccións, con reflectir na superficie o
matérico e as texturas. Na súa produción reflíctese
o compromiso da artesá co oficio e co medio, o
ensaio, a experimentación, o sacrificio pasado nas
horas de soidade no taller.
NANO UNZUETA. CERÁMICA UNZUETA
Desde o seu taller en Bertamiráns en plena sinto-
nía coa contorna onde parece parar o tempo, Nano
Unzueta, desenvolve as súas creacións cerámicas
nese territorio entre a cerámica utilitaria e a experi-
mentación e investigación, e constante procura de
novos procedementos de fabricación. O acabado
pictórico das súas pezas nas que se asoma unha
epiderme que nos remiten ao mundo natural ou
vexetal define as súas pezas. O seu paso por inicial
pola Escola de Cerámica La Bisbal (Xirona), apren-
dizaxe de moitos ceramistas do contexto nacional,
lévao finalmente a Buño para seguir coa súa apren-
dizaxe no taller de Aparicio Añón. É nese momento
cando xorde a súa gran vinculación coa Costa da
Morte, pois en 1980 aséntase en Carnota, onde
traballa en profundidade o gres e a alta tempera-
tura. Imparte cursos de formación e participou en
numerosas mostras, feiras e exposicións ao longo
do territorio nacional e internacional.
RUBÉN BERTO COVELO
Rubén Berto Covelo é un cesteiro e artesán que
une vida e taller nos arredores de Vigo. Investiga
e experimenta de forma continua co vimbio e a
madeira, e coñece a conciencia a cestería tradicio-
nal, as súas técnicas e tamén os usos dos obxectos
cesteiros do mar e do campo. Entre as súas pro-
ducións encóntrase a combinación da reprodución
da cestería tradicional, co claro obxectivo de non
perder este legado patrimonial, e a creación de
novas obras que se adecúan á demanda actual:
lámpadas, cestos de uso diverso para o fogar,
bolsos ou obxectos decorativos. Así mesmo,
compaxina o seu traballo coa presenza en feiras
e en demostracións, así como coa impartición de
cursos e talleres.
IDOIA CUESTA
Nacida no País Vasco pero afincada en Lugo, é
unha das nosas artesás máis recoñecidas. A súa
actividade está ligada á cestería e ao téxtil. As
pezas realizadas por Idoia chegaron á Pasarela
Mercedes Benz Fashion Week de Madrid, xunto
á creadora e deseñadora Sara Coleman, ou á
casa LOEWE, firma de moda coa que segue
colaborando. A través da realización de bolsos ou
complementos, Idoia Cuesta participa habitual-
mente en proxectos conxuntos con firmas de
moda ou deseño, o que lle permitiu introducir
a cestería no mercado contemporáneo. Entre
todos eles destacan exemplos como a colabo-
ración co deseñador libanés Assad Awaad, ou
co Premio Nacional de Deseño, Martín Azúa,
para o mobiliario en cestería dos espazos ON/
OFF da Cidade da Cultura de Galicia, ou os seus
traballos con arquitectos como Arturo Álvarez ou
o estudo Domohomo na produción de mobiliario.
As súas creacións artesanais compleméntanse
cun labor como docente, impartindo cursos de
cestería e tecido téxtil, e cunha continua presenza
en feiras internacionais, nacionais e galegas
organizadas por Artesanía de Galicia e outras
iniciativas locais. Destaca a súa participación en
feiras internacionais como Maison&Object (París),
Tendence (Frankfurt), Tent London e Formex
(Estocolmo). Tamén hai que destacar o seu labor
de intervención artística con cestería en espazos
museísticos ou expositivos. Foi Premio Nacional
de Artesanía e Premio Galicia de Artesanía, entre
numerosos recoñecementos que evidencian a
súa prolífica traxectoria e a calidade das súas
creacións.
SONIA DEGERÓNIMO
Deseñadora de moda, artista téxtil. Estuda deseño
de moda na easd Mestre Mateo en Santiago de
Compostela (2007). Amplía a súa formación rea-
lizando un curso en esdemga para especializarse
no tratamento e ennobrecemento téxtil (2014). En
2015/16 realiza varios cursos de tapiz e cestería
contemporánea, oficios nos que se inspira á hora
de iniciar o seu proxecto persoal Degerónimo,