Mi primera publicacion Catálogo de Pensar coas mans | Página 51

49
un aumento da beleza do edificio: a maior presenza do traballo visible
supoñía un aumento da capacidade para conmover ou para transcender.

Seguen a excelencia e o sacrificio tendo un valor? Para a
Unesco, «os produtos artesanais son os producidos por artesáns, xa sexa
totalmente á man ou coa axuda de ferramentas manuais ou mesmo de
medios mecánicos, sempre que a contribución manual directa do arte-
sán siga sendo o compoñente máis importante do produto acabado.
Prodúcense sen limitación polo que se refire á cantidade e utilizando
materias primas procedentes de recursos sustentables. A natureza
especial dos produtos artesanais baséase nas súas características distin-
tivas, que poden ser utilitarias, estéticas, artísticas, creativas, vinculadas
á cultura, decorativas, funcionais, tradicionais, simbólicas e significativas
relixiosa e socialmente».2

Hai dous elementos nesta definición que supoñen unha modifi-
cación substantiva da tradición Arts & Crafts:
· A significación que se lle outorga á artesanía non é transcen-
dente (non é para Deus senón para os homes); non é persona-
lista (máis que depender do artesán depende do significado
social que alcance o seu traballo) e é polisémica… (utilitaria,
estética, artística, creativa, vinculada á cultura, decorativa, fun-
cional etc.).
· A Artesanía con maiúsculas, a que pode considerarse patrimo-
nio da humanidade, faise con recursos sustentables! Aínda que
Ruskin non cita literalmente o emprego de materiais preciosos
neste apartado do texto, todos albiscamos no noso pequeno
coñecemento das grandes coleccións de artesanía as xoias
feitas con xemas únicas, os mellores panos e metais escasos. A
sustentabilidade rompeu a alianza entre a excelencia manual e o
material nobre.
A nosa primeira lámpada quere acompañar o visitante neste tránsito: do
sacrificio á sustentabilidade. Nos elementos que compoñen a lámpada
atoparemos aplicacións únicas, executadas á man cunha destreza case
irrepetible, e outros estampados, realizados mergullando pezas no mar. No
foro que alberga esta lámpada poderemos discutir a comparación entre
a beleza dos trazos únicos e os que son testemuñas da acción dun ben
natural que resulta indispensable para comprender a nosa cultura; compa-
raremos o resultado do esforzo co resultado, menos dirixido, das pegadas
do contexto.

LÁMPADA 2. DA VERDADE Á TRANSPARENCIA
Ruskin condena os «enganos» construtivos como trucos inaceptables. A
insinuación dun tipo de estrutura ou soporte que non é o verdadeiro, o pin-
tar superficies para representar un material que non é o que en realidade