Mi primera publicacion Catálogo de Pensar coas mans | Page 403
401
Caxigueiro. O rapto da paisaxe, 2016. Trece pezas de refractario. 111,5 × 80,5 × 47 cm.
Colección abanca.
Existen dous grandes referentes galegos para estes artistas como
son Sargadelos, coa figura á fronte de Isaac Díaz Pardo e o European
Ceramics Work Centre (ecwc) de Holanda, co artista Xavier Toubes á
fronte na década dos noventa do pasado século.
A Fábrica de Sargadelos levou a cabo unha importante labor
formativa para futuros artesáns organizando cursos, seminarios e encon-
tros. Moitos dos creadores presentes na mostra formaron parte destes
programas. As estadías internacionais e o contacto con Cataluña, pio-
neira en España nos traballos da cerámica, e o encontro coa arte actual,
potenciouse sobre todo coa experiencia que supuxo para moitos deles as
estancias no ecwc, na etapa que Xavier Toubes foi o seu director. Alí se
forxou, sen dúbida, un panorama de arte cerámico que é preciso volver a
fomentar e exhibir como parte indispensable da nosa realidade creativa.
Isaac Díaz Pardo produce unha serie de obras cerámicas femi-
ninas, cos característicos ollos amendoados, que ademais nos remiten
ao mundo dos oficios en moitos casos. Desde os anos 60 a obra de Díaz
Pardo asume unha maior modernidade. A contribución de Isaac vai moito
máis alá da súa produción artística e cerámica, O Laboratorio de Formas
que fundou con Luis Seoane se fundamentou na crenza de que o deseño
podía cambiar o mundo e mellorar Galicia. No ano 1970 ve a luz a nova
Fábrica de Sargadelos, na que Díaz Pardo culminará o seu proxecto
cerámico e industrial, e no que a artesanía xa da paso á mecanización,
pero cunhas formas e motivos que representan o que entendemos como
«formas de Galicia», e que se pode bautizar como unha nova artesanía