Mi primera publicacion Catálogo de Pensar coas mans | Page 401

399
Xavier Toubes. Dust II / Polvo 2, 2002. Cerámica, esmalte, lustre.
206 × 60 × 70,5 cm. © Mark Ritchie. Colección Permanente cgac.
Santiago de Compostela.
A influencia oriental ao que se abriron estes movementos espertou a artis-
tas británicos como Bernard Leach, quen a comezos do século xx viaxa a
Xapón para vir acompañado do ceramista Shoji Hamada9. Ambos os arte-
sáns, desde a súa cerámica de estudio en Cornualles, influíron na Europa do
século xx, e moitos creadores europeos se achegaron ao seu taller, como
é caso do catalán Lloréns Artigas, para conferir agora unha artisticidade á
cerámica nunca antes experimentada.

O achegamento á cerámica de artistas como Pablo Picasso, Joán
Miró ou Antonio Tapies tamén contribuíron a esta nova valoración a media-
dos do s. xx. Na Escola de California, o material cerámico é unha das canles
para a linguaxe conceptual da arte contemporánea, moi fortemente identifi-
cada como artistas cerámicos como Peter Voulkos. Outros artistas da cerá-
mica californiana referentes para a arte actual son Robert Arneson, Stephen
De Staebler, Viola Frey, Otto and Gertrude Natzler e Marguerite Wildenhein.

Na mostra pódense distinguir tres xeracións de artistas da
cerámica contemporánea galega: Isaac Díaz Pardo, Xavier Toubes e Elena
Colmeiro, son os pioneiros desa expansión de límites da cerámica, e as
referencias e intercambios cos artistas vindeiros son constantes. Unha
segunda xeración representada por autores como Caxigueiro, Emilia
Guimeráns ou Miguel Vázquez, e unha terceira xeración, na que podemos
distinguir dous momentos: unha ponte co anterior como pode ser Suso
Dobao e novos creadores como Verónica Pérez, Pablo Barreiro, Iván Prieto
ou Pelucas-Bubbles.