Mi primera publicacion Catálogo de Pensar coas mans | Page 395

393
Rosa Méndez
creadora que dalgún modo acadou esa fórmula para responder a unha
demanda que xunta gusto polo deseño e obxecto manual. Os traballos
de Idoia son perfectamente recoñecibles para un sector do mercado que
demanda estes produtos, a súa autoría é clara e evidencia un xeito propio
de entender o proceso creativo e manual. Ela abriu o camiño para que a
cestería atopase outros materiais como a lá ou o tecido, e sempre a través
do coñecemento das técnicas tradicionais. Neste caso tamén temos o
exemplo de Sonia Degerónimo, que a partir da tradición do entrelazo
acada unas pezas que zumegan contemporaneidade.

A formación e impartición de talleres, as demostracións e a pre-
senza en feiras, certames e premios é unha das opcións habituais dos arte-
sáns actuais. No coñecemento e difusión destas pezas e o seus autores é
fundamental o labor de Artesanía de Galicia, a través da Fundación Centro
Galego da Artesanía e do Deseño, que organiza numerosos proxectos
propios (Premios Artesanía de Galicia, Corazón de Artesanía, Artesanía no
Prato…), asistencias a feiras locais, autonómicas, nacionais e internacionais
e exhibicións e numerosas actividades de difusión e formación no contexto
galego, nacional e internacional.

Despois de levar a cabo unha escolma das pezas do panorama
actual destas tres artesanías, xorden cuestións xerais nese intersticio entre
arte e oficio que constantemente deambula ante a observación das obras.

Cal podería ser a diferenza entre a peza artística e un obxecto
artesanal?

O feito de que un obxecto artesanal abandone a súa función
útil para converterse nunha forma indefinida repleta de connotacións