Mi primera publicacion Catálogo de Pensar coas mans | Page 387
385
Agustín Vázquez
Antonio «O Rulo»
primeira muller oleira de Buño, e presidenta da asociación de artesáns
da localidade. Desde a súa Alfarería O Falsete, vén de colaborar co Museo
Thyssen realizando unha ánfora inspirada na obra de Max Beckmann, con
motivo da recente exposición dedicada a este artista.
A cestería foi practicada igualmente por homes e mulleres, tal e
como recolle neste catálogo Belén Sáenz-Chas, e so no caso de Mondariz
se recolle autoría unicamente masculina. Moitas mulleres cesteiras
seguen a practicar o oficio tradicional, destacando a realización de somb-
reiros como os sanscosmeiros.
Hai que sinalar que moitos destes artesáns e artesás nos que
se detecta unha autoría, tras analizar as súas pezas, son en moitos casos
auténticos gardiáns do seu oficio, dedicando parte do seu traballo a recu-
perar as técnicas e tipos tradicionais, ou a formar novos artesáns, e son
conscientes dun patrimonio cultural, etnográfico, material e inmaterial que
pode desaparecer en calquera momento.
Temos en Galicia exemplos evidentes desta autoría e preserva-
ción da tradición como os oleiros Agustín de Niñodaguía, O Rulo de Buño,
Pepa de Bonxe ou Elías de Gundivós. No caso da xoiería, o ourive Eloy
Gesto, prateiro e acibecheiro compostelán, dedicou parte da súa traxec-
toria a fomentar o asociacionismo, a difusión e a formación de novos
ourives. Firmas como Mayer, Ramón González Orfebres, entre outros,
seguen preservando e difundindo eses modelos de xoiería tradicional que
desde mediados do século xx se ligou para sempre ao traxe tradicional
feminino. Moitos dos cesteiros e cesteiras, como o caso do mencionado
Enrique Táboas ou Rubén Berto Covelo, ou Idoia Cuesta, estenden o seu