Mi primera publicacion Catálogo de Pensar coas mans | Page 287
285
[fig. 2] Brinco de cabaza. Pendiente de calabaza.
aparencia. Está formado por unha pequena argola circular articulada da
que penden por medio de varias argoliñas (ás veces formando cadea de
elos en 8), un ou máis globos armilares.
Este modelo procederá do brinco bulboso mourisco, constituído
por unha argola exenta e un recipiente esférico ou ovoide calado que
soportaba no seu interior tecidos impregnados de perfumes. Debido á súa
regularidade, podía verse tanto de fronte coma de perfil, polo que achegará
novas posibilidades de desenvolvemento ao xénero. Mesmo no modelo
propio de cabaza este evolucionou ata constituír os dous corpos, cabeceira
e colgante. Formalmente, a forma esférica iniciará unha evolución ata as
formas cónicas nos coñecidos como brincos de maza.
O paso cualitativo do brinco de perfil que propoñen as arracadas
e as argolas ata o brinco para ser visto de fronte procede deste modelo
de cabaza. A súa forma esférico-cilíndrica supón que pode observarse na
portadora de calquera das dúas maneiras. A presenza en Galicia de mode-
los que reflicten este cambio de oferta reforza a importancia da evolución
deste modelo nos conceptos do brinco frontal que chega ata os nosos días.
Como intervalo entre o brinco de cabaza e os brincos de ollar de
fronte situaremos o brinco de fuso, de bágoa ou de maza. O máis primi-
tivo é un modelo moi simple integrado por dous corpos, un moi pequeno
e sinxelo, onde se atopa o pecho, e outro formado por un cono cuxa base
vai rematada cunha media esfera semellando o efecto dun goteirón.
Normalmente son de chatón opaco, pero existen exemplares realizados con
fío calado, híbridos dos brincos de cabaza armilares. O aire orientalizante
destes brincos de fuso é máis ca evidente, e mesmo na actualidade seguen
vixentes en países tan distantes culturalmente como A India ou Afganistán.
En canto aos referentes eruditos, aqueles miméticos da ourivería
suntuaria, parécenos oportuno referirse a aqueles modelos que sen rubor