Mi primera publicacion Catálogo de Pensar coas mans | Page 27

25
creación. Mantense algo desa influencia romántica que liga o artesanal
cun sentimento positivo, como unha bondade para a colectividade, tamén
por esa idea de conservación e recuperación de algo que xa perdemos no
tempo, que en certo modo estamos a piques de perder, e que é necesario
preservar para as xeracións vindeiras.

Así, as sete lámpadas identificadas por Ruskin como sacrificio,
verdade, poder, beleza, vida, memoria e obediencia convértense baixo a
óptica da arquitecta en sustentabilidade, transparencia, equidade, cultura,
ecoloxía, identidade e innovación. A consciente idealización destes termos
vai en sintonía co formulado ao equipo de deseño, na que se pretende un
espazo realizado con materiais artesanais locais en gran medida, ou coa
utilización daqueloutros que contemplen varias vidas, pasadas ou futu-
ras, creando ademais unha rede de colaboración con artesáns e empresas
locais, que teñen unha participación activa na proposta espacial.

A teoría de Ruskin entroncaría co traballo que realizan moitos dos
artesáns e artesás presentes na mostra. Na propia realización das lámpa-
das, contamos coa achega dunhas 40 cestas trenzadas á man por Enrique
Táboas, uns dos últimos cesteiros que traballan en tiras de madeira. Estas
cestas concíbense, por parte da deseñadora, como compoñentes flexi-
bles que funcionan a modo de expositores, bancos/asentos, ou elementos
integrantes da cúpula. Táboas imprime a estas cestas ou seu saber artesán,
impregnadas desa traxectoria de vida e oficio, pois percorreu o bosque
durante anos para coñecer as posibilidades da materia prima, especial-
mente o castiñeiro e as súas variedades. O bosque forma parte de xeito
inmediato das súas varas trenzadas que ven a forma nestas cestas.

A utilización dos pratos de Buño do artesán O Rulo noutra destas
lámpadas amosan esa figura ponte entre o vello e o novo artesán, o recolle-
dor dunha tradición que introduce novidade, con propostas que van desde
o obxecto e o motivo decorativo tradicional ás novas achegas formais e
ormanentais que dan lugar a intervencións espaciais, como proban as reali-
zacións de murais en deseños arquitectónicos de espazos comerciais.

Non obstante a introducción do artesanal nos procesos do
deseño e da moda, de producir para adecuarse ás demandas dun mercado,
sen esquecer a calidade do produto, utilizando a materia prima de xeito
directo, estaría exemplificado por artesáns presentes neste espazo de
luces, salientando personalidades como os da artesá Idoia Cuesta. As súas
colaboracións con equipos de deseño de mobiliario e de moda, engadido a
obxectos propios e continuas colaboracións con sectores creativos, encarna
o presente dunha artesanía que marca as aperturas conceptuais da lámpa-
das de Izaskun.

Estruturalmente as lámpadas compóñense dunha cúpula col-
gante no tramo superior e os expositores das obras e lugares de interacción
co público na parte inferior. A influencia das Arts and Crafts no traballo da
arquitecta Izaskun Chinchilla resulta totalmente inspiradora; a pegada de
William Morris e Rossetti, adaptada a unha lingua propia, na que os patróns