Mi primera publicacion Catálogo de Pensar coas mans | Page 155
153
[fig. 2] José Manuel Gómez Vilasó. Alfredo García Alén. Luciano García Alén.
«El material que ha encargado aún no está preparado, motivo a
que anduvimos muy apurados por unos clientes y en este tiempo
se trabaja muy poco, pues no deja el invierno»15.
O turismo vai ser un factor decisivo e un desencadeamento do impulso nas
vendas de olería, a moda da decoración dos salóns burgueses con pezas de
barro e a construción de segundas vivendas, que se decorarán con ambien-
tación rural16 producirá un achegamento ás portas dos talleres dunha
sociedade ávida en consumir cultura rural, pero tamén a emigración será
responsable da exportación de novas formas a modo de souvenir como é
o caso das zocas, hórreos ou cruceiros, pezas realizadas con molde, que
pasarán a formar parte do corpus dos obxectos de barro, incorporándose
rapidamente como formas tradicionais, obxectos meramente decorativos
nun mundo de elementos maioritariamente funcionais. Podemos consi-
derar que estaba a se producir unha reconversión cultural da denominada
cerámica popular.
Entre estas pezas que adquiren a categoría de tradicional é
necesario mencionar a Queimada,17 como un exemplo moi interesante da
irrupción dun deseño moderno que en pouco tempo a sociedade incor-
pórao como unha forma clásica e grazas ás súas connotacións místicas
e simbólicas será utilizada de forma moi estendida en usos sociais e
políticos.
Neses inicios da década dos 70, un equipo formado polos irmáns
Alfredo e Luciano García Alén con José Manuel Gómez Vilasó van comezar
unha investigación sobre a olería de Galicia tras comprobar a ausencia de