Mi primera publicacion Catálogo de Pensar coas mans | Page 65
63
[fig. 1] Facendo un cesto de varas na mesa ou forma. © Ramón Caamaño.
Haciendo un cesto de varas en la mesa o horma. © Ramón Caamaño.
como os paxes de Viveiro, coa súa forma característica que combina pare-
des cóncavas e convexas. Algunhas cestas de vimbio poden ir provistas
dunha ou dúas tapas. As asas poden ser en aro ou dúas asas laterais, feitas
dunha soa vara grosa ou dun grupo de varas retorcidas ou tecidas. As dis-
tintas técnicas de tecido, as combinacións dos diversos tipos de varas ou a
forma final dos cestos e das asas fan que a cestaría de corres presente as
máis diversas variantes, con innumerables combinacións.
Outra técnica para tecer cestos de madeira é a que denominamos
cestaría mixta, na que se mesturan as vergas coas varas. As pezas feitas
por este procedemento levan unha armazón de vergas dispostas en aspa,
sobre as que se vai tecendo en redondo con varas ata conformar o cesto.
A palla dos cereais, como o trigo e o centeo, tamén é unha mate-
ria prima moi empregada na cestería. A máis apreciada é a palla de centeo,
o colmo, por ter os talos máis longos, flexibles e resistentes e menos
quebradizos ca os dos outros cereais. Para traballar a palla existen dúas
técnicas principais: o cosido en espiral e a palla trenzada. A técnica do
cosido en espiral é das máis primitivas e consiste en retorcer un mangado
de palla desde o centro do fondo do cesto, dando voltas en espiral que se
van cosendo con tiras de casca de silveira.
En Galicia a técnica da palla trenzada emprégase fundamental-
mente para a elaboración dos sombreiros. O procedemento consiste en
entrecruzar varias pallas ata conseguir unha longa trenza, que será de dife-
rente forma dependendo do número de pallas que leve na súa confección.
Feita a trenza da lonxitude necesaria, vaise retorcendo e cosendo en espiral
con fío de liño, empezando polo centro da copa e rematando na aba.