wind-verlies te beperk. Die deklaag help om vog te behou, onderdruk onkruid en voorkom grondkompaktering tydens reën, wat die grond in’ n sponsagtige toestand laat. Springfield beskik oor geregistreerde waterregte wat gereguleerde gebruik verseker in’ n streek waar droogtes gereeld voorkom.
Net-zero-projek
As deel van hul net-zero-projek ondersoek Springfield die gebruik van sonkrag vir besproeiingspompe en biologiese plaagbeheer om energieverbruik te verminder. Hul IPMprogram verminder die gebruik van chemiese insette, terwyl die herstel van inheemse plantegroei biodiversiteit bevorder en grondwaterretensie verbeter. Graeme Whyte beklemtoon dat hul herlewingspraktyke nie net water bespaar nie, maar ook grondgesondheid herstel, wat die plaas weerbaarder maak teen droogtes. As’ n LEAF-demonstrasieplaas deel Springfield hierdie strategieë met ander boere in Afrika, en hul uitvoere na die VK en EU( onder meer via Tesco) toon hoe herlewingslandbou globale markte kan ondersteun.
PRAKTIESE RIGLYNE VIR PRODUSENTE:
1. Begin met’ n basislyn: meet eers jou water- en grondtoestand. Jy kan nie verbeter wat jy nie verstaan nie. 2. Sien afval as hulpbron: of dit nou snoeisels, mis of afvalwater is – elke deel kan’ n nuwe doel hê. 3. Hou die grond bedek. Dekgewasse beskerm teen erosie en hou vog in die grond. 4. Gee net soveel water as wat nodig is. Grondvogmonitering bespaar water én energie. 5. Belê geleidelik in hernubare energie. Selfs klein sonpompe of biogasinstallasies kan groot verskil maak. 6. Deel kennis. Samewerking tussen produsente versterk die hele sektor.