DORP
energie en is dit moeilik om te dink dat sy vir ʼn oomblik kan stilsit.
Sy wys vir my die palm van haar hand, “my dagboek” sê sy laggend,
terwyl sy nog iets daar skribbel wat sy moet onthou. Ons gesels ʼn
hond uit ʼn bos, en uiteindelik kry ek haar om by die begin te begin.
Karin en haar man Jean de Villiers boer al 30 jaar op die Klein
Roosboom-plaas. Jean het op ʼn wynplaas in Doordekraal grootgeword, so wingerdbou is in sy bloed. Hy is ook ʼn gekwalifiseerde
wynmaker, maar dit is die wingerdstok en die grond waar sy ware
passie lê.
Ek vra vir Karin wie kom eerste, sy of die wingerd. Na ʼn rukkie
gee sy toe, “ek is waarskynlik tweede,” maar sy glimlag as sy dit sê.
Aanvanklik het die De Villiers’ ʼn melkery op die plaas gehad wat
Karin bestuur het. Sy noem dit die “tronk met oop deure”. Die
melkery is egter later verkoop toe dit nie langer winsgewend was
nie.
Die plaas beslaan 260 hektaar waarvan 150 hektaar onder
wingerd is. Die meeste druiwe word aan die Durbanville Hillskelder gelewer, terwyl sowat 30 tot 40 ton druiwe vir hul eie etiket
gebruik word.
“Jean gee my eerste keuse,” sê Karin.
“Ek ry deur die wingerde en proe
die druiwe en merk dan elke ry waar ek die
beste trosse teëkom.”
“Jean gee my eerste keuse,” sê Karin. “Ek ry deur die wingerde
en proe die druiwe en merk dan elke ry waar ek die beste trosse
teëkom.”
“Ek is ʼn ‘phone-a-friend’-wynmaker,” skerts s 丁I