Magasin Magasini | Page 6
Imerajuttuunermut
ilisarnaatit tallimat
Imigassamik atornerluisuunermut imminut tatiginnginneq naleqassuseqannginnermillu misigineq
peqqutaakkajuttarpoq, katsorsaasoq namminersortoq Gedion Lyberth oqaluttuarpoq
All.: Sorlannguaq Petersen
Inuit imigassamik atornerluisunngornerannut peqqutaasinnaasut amerlapput
assigiinngeqalutillu, taamaattorli inuk imminut tatigisinnaanngitsoq
miserratiginnittorlu imerajuttunngornissamut qaninnerusarpoq.
- Assersuutigisinnaavara angutit ilaat imigassartoqqaartinnatik
arnerisinnaaneq ajorput, imigassartorsimatillutik aatsaat sapiilligaangamik
imminullu tatigilersuusillutik arnerisinnaanngortarlutik. Maniitsumi
katsorsaasoq, Gedion Lyberth oqarpoq.
Imerajuttunngornermut peqqutaasartut allat tassaasinnaasarput;
kinguaassiutitigut atornerlugaanikuuneq, angerlarsimaffimmi
aappariinnerliorluni ajornartorsiuteqarneq imaluunniit peroriartorfigisimasat
imerajuttuugaangata.
- Inuit aamma imerajuttut ilisarnaatigisinnaasarpaat naammattunik
aningaasarsiaqaraluarlutik aningaasanik atorniakulasut, assigiinngitsunik
peqqutissarsiorlutik. Miserratiginnillutik atorniarnerminni allanik
peqqutissarsiortarput, Gedion Lyberth, ukiuni 14-ini katsorsaasutut sulialik
nassuiaavoq.
Nittartagaq helpguide.org, imigassamik atornerluisuunermut ilisarnaatinik
tallimanik ikkussisimavoq, Gedion Lyberthillu ilisarnaatit taakku tamarmik
takussutaasartut ilumoornerarpaa.
Uani boksimi pissusilersuutit iliuuserisartakkallu ilisarisinnaagukkit,
ilimanarsinnaavoq imerajuttuusutit.
6
Imigassamik atornerluisuuit?
Imigassamik atornerluisuusimassaatit:
1. Imertarnerit kanngusuutigisarukku
2. Imertarninnut tunngatillugu allanut
salluliuutigisarukku toqqortorluguluunniit
3. Kammalaativit ilaquttavilluunniit
imertarnerit pillugu ernumassutigisarpassuk
4. Eqqissisarniarlutit
ilorrisimaarusullutilluunniit imerusuttaruit
5. “Silaaruttaruit” imaluunniit imerninni
pisimasut eqqaamasanngikkukkit,
killisariniakkallu qaangerlugu imikulallutit.
helpguide.org