Magasin Magasini | Page 26
”Meeqqagut silarsuarivagut”
Atuagaq ’Spædbørn og deres mødre’ (Inoorlaat arnaallu) aallaavigalugu paasinarsivoq inoorlaap suli naap
iluaniinermini anaanaminut qanilaarneq misigisarai. Uagullu paasiniarparput meerartaaqqammerluni
anaanamut qanoq misiginarnersoq, arlaatigut meeraaqqamut atassuteqarneq anaanasumut
malunniuttarnersoq.
All: Nina-Vivi Andersen
Olsen ernerminut attaviit siulliit pissusissamisoortutut misigisimavai.
Inoorlaat inunngoraangamik qanilaarneq nerisarnerlu
pinngitsoorsinnaanngilaat. Tassami inoorlaaq sivisuumik qanigisaminit
qimaqqaneqaraangami sumorsuaq nakkarneq, toqungajanneq,
neriuutaarutivinnerlu misigisinnaasarpaat. Taamaattumik meeraq
inunngorlaaq qanigisani pinngitsoorsinnaanngilai. Inunngoreernermi
peroriartornermini qanigisaminit pinngitsuuisinnaajunnaarnera
annikilliartortarpoq, soorlu inersimasoq inerikkaangami nammineq
isumagilertartoq. Anaananngorlaap aamma anaanap pingasunik
meerallik uani oqaluttuaraat qanoq meeqqaminnut atassuteqartarnertik
pinngitsuuisinnaannginnertillu.
- Allaannginnami inuuninni qangali ilaareernikoq. Ernereerama
juumuup ernerput saanut ingerlaannaq iligamiuk, nammineerluni saanni
ingerlaarluni ujaarlerluni ivianngikka nassaarai. Nammineerlunilu
milulluni aallartilluni, anaananngorlaaq illalaarluni oqaluttuarpoq.
Qaammatit marluk affarlu qaanngiupput ilaqutariiaqqat ernertaarmata.
Kulunnguup aappaa Itaannguaq Jeremiassen Ilinniarfissuarmi atuarpoq,
Kulunnguarlu Ilisimatusarfimmi ilinniartuulluni.
Ernerma nammineerluni ivianngikka nassaarai
Kulunnguaq Reimer Olsen decembarip 30-ani siullermeerluni
meerartaarpoq. Nukappiaqqamik aappanilu meerartaarput. Kulunnguaq
sivisuumik anniangaatsiarluni ernisukkami, ernereerami anniaatit
tamaasa tammartutut misigai.
- Nassuiarsinnaanngilara qanoq ernereerama misigisimanerlunga.
Tupinnnarlunilu misigisaq eqqumiippoq. Anaanaga angutaatigalu
ernisarfimmeeqatigigakkit, inunngormat tamarmik nuannaarlutik
qiasut, uanga nalullugu qanoq misigissanerlunga erninnguaralu
saaniilluni, misigisaq nassuiarneqarsinnaanngilaq, Kulunnguaq Reimer
Olsen anaananngorlaaq oqaluttuarpoq. Atuakkami ersersinneqarpoq
anaananngorlaat sianiginngisaminnik meeqqaminnut qanoq
ikiuissanerlutik naluneq ajoraat. Kingornusaassinnaavoq - anaanap
nammineq inunngorsimanerminiit pigileriigaq. Kulunnguaq Reimer
26
Qialangasarnerit
Kulunnguaq Reimer Olsen aatsaat anaananngorpoq, inoorlaat
tungaasigut misilittagakittuugaluarluni ernini qiasarneri ilisarisarpai,
ernera kaannersoq iluaalliornersorluunniit naluneq ajorlugu.
- Qiasarneri assigiinngitsut ilisarisaleriartuaarpakka, soorlu nangini
iluaagiguniuk allatut qiassooq, perlerluni iteraangami qiassani tamaat
qiasarpoq. Qianeq ataasiinnaagaluarluni sakkortussusai assigiinnginneri
malunnartarpoq, Kulunnguaq Reimer Olsen oqaluttuarpoq.
Anaananngorlaap ernermi qaammatit marluk affarmillu
qaammateqaannaraluartoq nammineq erninilu imaannaanngitsumik
attaveqaqatigiittarnertik misigisarpaa.
- Ernera arlaanik sammisaqartikkaangakku isikka toqqarlugit
qiviaraanga Z[