Magasin Magasini | Page 22

Naartusup ikiaroortarnera meeqqamut sunniuteqarpoq Meeqqap nilliaqqaarnera ernisarfimmi tusarsaagaluartoq, inimi qungujulasoqanngilaq. Sundhedsassistenti meeqqanullu siunnersorti Tina Jakobsenip eqqaamalluarpaa, Meeraq alaatsinaanneqartariaqarluni peruluttut uninngaviannukaatipallanneqarpoq, anaananngorlaap naartunermini ikiaroornartumik atuisimanera peqqutigalugu. All. Ivik Kristiansen Marloqiusamik pillarneqarneq USA-mi Europamilu naartut 10%-it ikiaroornartumit, cannabissimit sunnertissimasut Substance Abuse and Mental Health Services Administrationimi ilisimatuut nunanit arlalinninngaanneersut misissuineranni ersersippaat. Naartunermi ikiaroornartumik atuisartut Nunatsinni aamma amerliartorput. Naartutillutik ikiaroornartumik atornerluisuusut katsorsarneqarnissaat Nunatsinni piumasaqaataavoq. Naartuutigalutik ikiaroortartut katsorsartinnissaminnut piumaffigineqartaraluarlutik, naartunermi tamaat ikiaroortoqartarpoq. Ikiaroornartumik atornerluisut ilaasa meeqqatik sunnerlugit immaqa takorlooruminaatsittarpaat, Tina Jakobsen nassuiaavoq. – Siornatigut taama ernisartut akuttupput. Atornerluisut atornerluisimasuusullu ullumikkut ulluinnarsiutigilernikuuvarput. Ajornartorsiut alliartorpoq, Tina Jakobsen oqarpoq. – Eqqaamavara arnaq ataaseq. Inoorlaajutini qanoq sajutsigisoq takulerlugu tupattorujussuuvoq. Ingammik paasileramiuk qanoq ikiaroornartugunnermik sunnertigisimaginni paasileramiuk. Immaqa siornatigut eqqarsaatigisimanngilaa inunngorneqanngitsoq qanoq sunnertigisinnaallugu. Erniaraalu, naarmiugisimasani. Tina Jakobsen ”Tidlig Indsatsimi” sundhedsassistentitut meeqqanullu siunnersortitut sulivoq, ullullu tamaasa inoorlaanik angajoqqaanngorlaanillu Dronning Ingridip Napparsimavissuani Nuummiittumi sullitaqartarpoq. Naartuup anaanami nerisai imigaalu inuussutigimmagit, haship akuutissai meeqqamut aamma ingerlaqqittartut, tamanna meeqqanut siunnersorti nassuiarpaa. Taamaammat meeraq ikiaroornartumik pinngitssuuisinnaanngilereerneq peqqutigalugu sajuttuulluni inunngorsinnaasarpoq. Anaanap ikiaroortarnikuusimappat meeqqamut allanik aamma kinguneqartartoq, Tina Jakobsen nassuiaavoq. Tassami ikiaroornartoq naartup alliartorneranut akornusiisinnaammat mikivallaarluni inunngorajuttarput, soorlu aamma meeraq inunngujaarpallaarsinnaaneranut Tina Jakobsen oqaatigaa. Meeqqap qarasaa ineriartorneralu inunngoreernermi kingorna anaanaasup ikiaroortarnikuunerata aamma ajoqusersinnaagaa, ilisimatuut misissuinerisa, The Embo Journalimi saqqummersinneqartup takutippaa. Taamaammallu meeraq alliartornermini ADHD-ernissaminut, annilaangalernissaminut isumatsassimangaarnissaminullu qaninnerusarpoq, 22 Timaa nalinginnaanngitsumik aalasoq takulerlugu aatsaat paasilerpaa. Assullu takuneqarsinnaasumik nuannaanngilaq, Tina Jakobsenip eqqaamasani oqaluttuaraa. Meeraq malunnartumik pinngitsuuisinnaajunnaareerluni inunngoraangat peruluttut uninngaviannut nakkutigisassanngortinneqarlunilu nakorsartinniassagami, naak anaanaasumut inoorlaamullu marloriaammik pillarneqarnertut misinnassagaluartoq. – Tassani meeqqani peqquteqavissumik najorsinnaanngilaa, immaqa uffa qilanaarluni meerartaarnikuusoq. Taava ernigami qanoq piva? Ikiaroornartoq atorsimagamiuk meeraq immikkoortortaqarfimmut allamukaattariaqarpoq, taamaasillutillu imminnut avissaarlutik. Taamallu meeqqamut anaanamullu aallaqqaataaniilli najornissaq imminnut kattunnissaannut pingaaruteqartigisoq. Kisianni taanna piareersimaffigisimanngilaat, Tina Jakobsen nassuiaavoq.