Yadda al’amura
suka wakana
daga Joseph Adah & Olaoluwa Aworinde
Daki-dakin yadda
aka gudanar da
gasar hotuna ta
NaijaGEMs
Shirin Ofishin Jakadancin Amurka a
Najeriya na gasar xaukar hotunan abubuwa
da wurare masu qayatarwa da aka yi wa
laqabi da NaijaGems Jakada W. Stuart
Symington ne ya fito da shi, sanadiyyar
ziyarar da ya kai jihohi 36 na Najeriya, inda
ya gane wa idonsa yanayin qasar mai ban
sha’awa. Gasar ta bai wa ’yan Najeriya damar
haska (wa duniya) irin kyawun qasarsu
ta hanyar hoto mai qayatarwa, inda za su
bayar da labari mai daxin ji don qarqfafa
gwiwar al’ummar qasa su yi alfahari da
shi. A cewar Jakadan, “A xaukacin faxin
qasar nan (Najeriya) akwai wurare masu
matuqar kyawun yanayi, waxanda suka
haxa da wasu tsirrai da furani da namun
daji na musamman, muhimman tsaunuka
da koguna da ruwan da ke gangarowa
daga kan duwatsu da da gine-ginen tarihi.
Akwai abubuwan da Ubangiji ya halitta da
waxanda mutum ya qirqiro daga wannan
kusurwa zuwa wata kusurwa ta qasar nan.
Muna son ku xauko hoton xaya daga wurare
da abubuwan Najeriya masu ban sha’awa da
matuqar qayatarwa, ta yadda kowane xan
Najeriya da kowane mutum a faxin duniyar
nan in ya gani zai cika da ban “MAMAKI.”
Waxanda suka shiga gasar an kasa su
rukuni-rukuni, ta hanyar samar da
managartan hotuna na asalin wurare masu
qayatarwa, waxanda kyawun yanayinsu ya
kevanta da wani yanki ko jiha; wuraren da
aka samu sun kasance tambarin tunqahon
mutane ko abin alfaharin al’adar wannan
jihar. An tura hotunan ne ta kafar shafukan
intanet da suka haxa da Flickr da Instagram
a tsakanin ranakun Juma’a 6 ga Afirilu zuwa
Juma’a 4 ga Mayun 2018. Ofishin Jakadancin
ya karvi hotunan shiga gasar 330. An xora
wa wani kwamiti alhakin bibiyar nazarin
hotunan da aka zavo, har aka tantance
mafi nagarta guda 50. Waxnnan hotuna an
baje su don al’umma su kaxa musu quri’a a
shafukan sadarwar Facebook da Instagram
na Ofishin Jakadancin. An kaxa quri’u sama
da 42,200 ga waxanda suka lashe gasar,
sannan an fitar da wasu hotunan masu
kyawun gaske guda 20. An sanya alqalai na
kwamitin qwararrun masana harkar sarrafa
hotuna, waxanda suka haxa da mai xaukar
hoton Shugaban qasar Najeriya na qashin
kasansa da jami’in hulxa da jama’a, waxanda
daga bisani suka tantance suka zavo
hotunan da suka fi kyawu da qayatarwa,
waxanda aka ba su martabar lashe gasar.
Jakada W. Stuart Symington ya bayyana
waxanda suka samu nasarar lashe gasar
xaukar hotunan wurare da abubuwa masu
qayatarwa a Najeriya, ta NaijaGEMs, inda
a wani faifan bidiyo da ya fito ranar 28 ga
Yuni. Jami’in hulxa da ajma’a na ofishin
Jakadanci ya miqa shaidun shiga gasar
ga fitattun mutanen da suka fafata su 20,
sannan an bayar da kyaututtuka ga gwarazan
gasar a ranar 6 ga Mayu. Mista Ikechukwu
Okeagu ya karvi kyautar martaba ta uku.
Mista Matthias Aragbadashi ne ya karvi
kyautar martaba ta biyu a gasar. Sai Mista
Rimamkongende Shamaki wanda ya lashe
babbar kyautar, wato martaba ta xaya.
Managarta 50 da suka fafata a gasar,
waxanda aka baje hotunan da suka xauka
a baje-kolin da aka gudanar cikin kwana
bakwai a Abuja, wanda aka fara ranar 6 ga
Yuli, inda aka gudanar da bikin bayar da
kyaututtuka. Kafafen yaxa labaran Najeriya
sun xauki labarin buxe gasar shirin, sannan
ya samu halartar iyalai da waxanda suka
fafata gasar, da waxanda suka halarci shirin
musayar fasaha na Amurka, da Jami’an
tuntuva a ofishin Jakadanci, tare da ximbin
al’umma. An wallafa wani qaramin littafi
xauke da managrtan masu xaukar hoto
50 da suka fafata gasar xaukar hotunan
abubuwa da wurare masu qayatarwa
a Najeriya, wadda aka yi wa laqabi da
‘NaijaGEMs top 50-photo exhibit’ kuma za a
nuna shi a xaukacin biranen Najeriya.
A cikin waxannan shafuka za ku karanta
labaran wasu daga cikin waxanda suka samu
nasarar lashe gasar, sannan za ku ga fitattun
managarta 20 da suka fafata a gasar.
A xaura xamarar bin kadin al’amura don
tantance al’amura masu qayatarwa.
MAGAMA | Nuwamba 2018 Fituwa Ta Musamman
5