Upcoming Events / Gebeure op jou drumpel
Die Afrikaanse Hoër
Meisieskool Pretoria (AHMP)
bied vanjaar saam met die
Afrikaanse Hoër Seunskool (AHS)
Walt Disney se Beauty and the
Beast aan. Ons het by die leerders
gaan inloer en ’n paar vrae aan die
hoofrolspelers gevra:
Hoekom dink jy vind B & B soveel aanklank by alle
ouderdomsgroepe?
Jeanie Middel as Belle, die nimlike Beauty: “B & B is vol
wonderlike, snaakse karakters. Dis ’n liefdesverhaal waarin
spelers hulself vind, en dis ook vol humor.”
Nicolas du Plessis as Monsieur d’Arque, hoof van die
malhuis, die Maison de Lunes: “Die meeste mense ken die
storie van B & B, een van die mees geliefde kinderverhale.”
Wat is die lekkerste van jou rol?
Ruan van der Merwe as Beast en natuurlik ook die
prins: “Om op almal te skreeu.”
Nicolas du Plessis: “Om Monsieur d’Arque as een van
die antagoniste van die musiekspel te vertolk en sy
vreemde eienskappe voor te stel.”
Kian Kunz (Chip), die teekoppie: “Dis ’n geliefde
karakter in die storie en almal dink ek is ‘cute’.”
Jana Smit (Mrs Potts), die teepot: “Ek sing die
temalied ‘Beauty and the Beast’ en geniet die oulike
teepotkostuum.”
Vertolk julle jul rolle makliker omdat julle
mekaar reeds geruime tyd ken?
Esri Cronje, Anneke van der Walt en Angie
Vosloo (Silly girls) in ’n koor: “Ja, dit help ons om
beter te ‘bond’.”
Is dit pret om jou spesifieke rol te vertolk?
Gareth Lubbe (Cogsworth), die hoof van die
kasteel: “Dit is baie pret! Ek het baie vriende
gemaak en dis lekker om jou in te leef in jou rol.”
Leila de Villiers (Madame De La Grande Bouche),
die klerekas: “Dit is vreeslik lekker om die rol te
vertolk, maar ook ’n uitdaging.”
Janilna Purchase (Lumière), ’n sjarmante
chauvinis: “Verseker! Dit voel nie soos werk nie.
Heeltyd speeltyd!”
Wat is jou eerste herinnering van die verhoog?
Jonathan Britz (Le Fou), Gaston se “sidekick”: “My
laerskool se revue-optredes in die Staatsteater.”
Richard Jansen (Gaston), baie aantreklik: “Toe ek
gebore is, want Shakespeare sê die lewe is ’n verhoog.”
Die ikoniese Beauty and the Beast word
in die Staatsteater opgevoer.
Voor: Lohan Senekal, Gareth Lubbe, Jonathan Britz,
Kian Kunz, Vian Grobler, Nicolas du Plessis,
Richard Jansen en Ruan van der Merwe.
Agter: Jana Smit, Jeanie Middel, Inge Breytenbach,
Leila de Villiers, Anke Odendaal, Janilna Purchase
en Angelique Vosloo.
Heel agter: Anneke van der Walt en Esri Cronje.
Het jy weer na Beauty and the Beast gekyk voor jy
jou voorberei het vir die rol?
Anke Odendaal (Madame De La Grande Bouche), die
klerekas: “Ja, ek het die fliek weer ’n paar keer gaan kyk.”
Julle gaan die produksie in die Staatsteater opvoer,
hoe voel julle daaroor?
Inge Breytenbach (Babette), die verestoffer: “Ek is op
gewonde oor die Staatsteater. Die verhoog gee jou ’n gevoel
soos niks anders nie.”
Jana Smit (Mrs Potts), die teepot: “My maag draai behoorlik as
ek daaraan dink!”
Maart/April 2016 / March/April 2016
Oos
East
lans
lam
Oos
lans
27