Lourier Eerste Uitgawe 2018 LOURIER TWEEDE UITGAWE DESIGN 2 met fotos | Page 7

matrieks
matrieks se toekomstige planne
Tanika Thiart
Matrieks, die jaar raak korter; dit is amper tyd om
die grootmenswêreld te betree. Beroepe is van
uiterste belang en daar is soveel om van te kies!
Hier volg van ons matrieks se beroepskeuses en die
inspirasie asook interessante feite daaroor.
Sherine van Zyl beplan om volgende jaar
plastiese chirurgie te gaan studeer. Dit is vir haar
belangrik om ’n verandering in iemand se lewe en
voorkoms te kan maak. Volgens Sherine voel sy dat
dit baie belangrik is oor hoe jy jouself sien eerder as
hoe ander mense jou sien. Sy glo dat dit die Here se
manier is om haar te gebruik om ‘n verskil in
iemand se lewe te maak.
As dit kom by vure blus en lewens red, is
Nikita Stadler die perfekte kandidaat!
Nikita wil graag na skool ‘n brandweervrou word.
‘n Brandweerman/vrou is een van die vreeslose,
braaftse mense wat jy sal ken. Sy voel die rede
waarom sy op Aarde is, is om mense se lewens te
red. Sy het ‘n passie om mense te help en wil na ’n
skof huis toe gaan en weet dat sy haar eie lewe in
gevaar gestel het om iemand anders s’n te red.
Huisies bou en huisplanne teken, was nog altyd vir
Hilde Steyl interessant en is nog steeds. Sy wil
graag argitektuur na skool gaan studeer. “ Dit was
my droom vandat ek en my ma die home channel
begin kyk het! ”, sê sy. Om argitektuur te gaan
studeer, behels hoë vereistes en sy probeer om dit
te bereik. Net soos ons skoolwapen, Bou, motiveer
dit haar om harder te werk!
Mode-ontwerp, klere en skoene was nog altyd vir
Erica Dreyer wonderlik. Sy wil graag na skool
mode-ontwerp gaan studeer en geniet dit om nuwe
dinge te skep. Het jy geweet dat die heel eerste
modetydskrif in die jaar van 1586 gepubliseer is?
Maurilize Geyer, een van ons drama-liefhebbers
in die skool, wil graag haar passie vir drama verder
beoefen en na skool drama gaan studeer. Drama is
‘n groot deel van haar lewe en sy geniet dit baie!
Haar grootste droom is om Grens Hoërskool se eie
Charlize Theron te word! Met regte, as haar tweede
opsie, is sy deur middel van haar deelname aan die
Moot Court-kompetisie geïnspireer. Tydens haar
ondervinding by die Moot Court-kompetisie het sy
besef hoe belangrik die regsberoep eintlik is.
Daniël Schoeman, ‘n toekomstige
bedrysingenieur, wil graag aan die NWU (Pukke)
gaan studeer en ‘n bedryfsingenieur word. Die
beroep bevat als waarvan hy hou, want hy is baie
lief vir konstruksieverwante dinge en hoop vir die
beste in die toekoms. Het jy geweet dat
Bedryfsingenieurswese gaan oor beplanning,
ontwerp, verbetering, meting en die beheer van
bedryfstelsels?
Om vroue mooi te maak en hulle lewens te
verander, is een van Bernice Snyman se drome
vir na skool. Sy wil graag by ‘n skoonheidskollege
aansluit om haar kosmetiese diploma te kry en
daarna wil sy drie jaar lank gaan studeer om ‘n
somotoloog te word. Sy wil mense met
gewigsprobleme, velprobleme en ander probleme
help wat hulle lewens sal verander.
Dan: die boere van die skool en spesifiek een boer
met ‘n droom: Tommie Engelbrecht. Hy wil
graag na skool oorsee gaan en daar gaan boer. Sy
passie vir boerdery het ontstaan deur sy liefde vir
die plaaslewe en die stilte wat daarmee saamkom.
Sonder ons boere se skills kan ons nie klaarkom nie.
Alhoewel ons ons eie gewasse kan probeer plant,
dink julle dit gaan so lekker proe soos ‘n boer s’n?
Sterkte aan ons matrieks met die lewe na
skool. Mag als vlot verloop en julle drome
realiteit word. Maak die beste daarvan!