Այն ամենը , ինչ դուք կարող եք գծել , մենք կարող ենք պատրաստել :
3
Այն ամենը , ինչ դուք կարող եք գծել , մենք կարող ենք պատրաստել :
Այս արտահայտություննը բազմիցս էինք լսել և որոշեցինք ստուգել , թե որքանով է այն համապատասխանում իրականությանը : Ցուցասրահ մտնելիս առաջին իսկ ուշադրություն գրավող դետալը պատից կախված , մոտ 3 մետր երկարություն ունեցող և ստորագրության տեսք ունեցող գրապահարանն է ։ Այն լիովին կրկնում է կազմակերպության տնօրենի ստորագրությունը ։ Պարզվեց ՝ վերջին տարիների ընթացքում ևս մի քանի ստորագորություն են պատրաստել , որոնցից մեկն անգամ վրացական է եղել և նախատեսված է եղել ոչ թե գրքերի , այլ գինիների համար ։
Հասցե : Վաղարշյան 19 հեռ : 099.018081 www . elwood . am
Էլվուդ կահույքի և դիզայնի սրահը զբաղվում է ինտերիերի դիզայնով , կահույքի դիզայնով , կոնստրուկցիայի մշակմամբ և արտադրությամբ : Արտադրությունը հագեցած է հաճախակի ավելացող եվրոպական հաստոցներով , սակայն գործի մի մասն արվում է արհեստավորների ձեռքերով . « դետալներ կան , որ միայն մեր տղաները կարող են պատրաստել , հաստոցներին մտածել դեռ չենք սովորեցրել », - ծիծաղում են դիզայնի բաժնի աղջիկները : Թիմը բաղկացած է երիտասարդ դիզայներներից , ովքեր տալիս են հիմնական գաղափարները , և ավելի հասուն ու փորձառու մասնագետներից , ովքեր լուծում են բարդ կոնստրուկտիվ խնդիրներն ու իրականություն դարձնում անհնար թվացող նախագծերը : Օգտագործվում են շուկայում առկա բոլոր նյութերը ՝ փայտ , նրբատախտակ , ՄԴՖ , ԴՍՊ և այլն : Շպոնապատումն ու տարբեր տեխնիկաներով ներկումն ամենօրյա գործերի ցուցակում են : Էլվուդը համագործակցում է Էլլիպս ՋԻ ԷՅ -ի հետ , որն ունի մետաղական իրերի արտադրամաս հենց Էլվուդի կահույքի արտադրամասի հետ նույն տարածքում , ինչը հնարավորություն է տալիս կահույքի և ինտերիերի դիզայնի և կոնստուկցիայի մեջ օգտագործվող նույնիսկ ամենափոքր մետաղական դետալը մատչելի և արագ նախագծել և արտադրել : « Կան պատվիրատուներ , ովքեր հստակ գիտեն , թե ինչ է իրենց անհրաժեշտ և անգամ գալիս են արդեն պատրաստի գծագրերով կամ նկարներով : Սակայն պատվիրատուների մեծ մասը դիմում են մեզ ՝ առանց հստակ պատկերի : Դա աշխատանքի ամենահետաքրքիր մասն է ՝ լսել պատվիրատուի ցանկությունները , նախասիրություններն ու կարիքները և ունեցած տարածքի ու հնարավորությունների սահմանում գտնել , նախագծել ու առաջարկել ամենալավ տարբերակը »( մեջբերում դիզայնի բաժնի հետ զրույցից ):
Էլվուդը համագործակցում է մի շարք ճարտարապետների և դիզայներների հետ : Ամենահետաքրքիր նախագծերը երևի թե տարբեր մասնագետների համագործակցության արդյունք են :
Լուսինե Դավթյան