6 .
Ի ՞ նչ է EASA-ն և ինչու ՞ է պետք մասնակցել EASA-ին
EASA-ն [ European Architecture Students Assembly ] ( թարգմ . Եվրոպայի ուսանող ճարտարապետների համաժողով ) երիտասարդ ճարտարապետների ամենամեծ ցանցն է , մշակութային ու կրթական փոխանակման հարթակ կամ ինչպես EASA-ցիներն են կոչում ՝ համայնք : Յուրաքանչյուր ամառ այն համախմբում է մոտ 600 ճարտարապետների ավելի քան 40 երկրներից և 200 ճարտարապետական դպրոցներից : Միջոցառման ընթացքում ուսանող և նորավարտ ճարտարապետները , միջոցառման հյուրերն ու օգնականները ապրում , սովորում և ստեղծագործում են միասին : Բազմաթիվ գործնական և տեսական աշխատարանների ղեկավարները նույնպես ընտրվում են երիտասարդների շարքերից : Հավաքի մեկ այլ կարևոր մաս են կազմում տեղական և միջազգային ճանաչում ունեցող ճարտարապետների դասախոսությունները : EASA-ն սկիզբ է առել 1981 թվականին Լիվերպուլում , երբ մի քանի տեղացի ուսանողներ ամառային արձակուրդներին հրավիրել են իրենց օտարերկրյա ընկերներին , որ վերջիններս օգնեն լուծում գտնել քաղաքային որոշ խնդիրների համար , և մինչ օրս շարունակաբար անցկացվում է ամեն ամառ տարբեր երկրներում` հիմնված մասնակիցների համագործակցային ու ակտիվ մասնակցության վրա : Յուրաքանչյուր տարի ընտրվում է առանցքային թեմա , որն արծարծում է աշխարհածավալ քաղաքաշինական կամ ճարտարապետական մարտահրավերներ , իսկ աշխատարանների ընթացքում փնտրում են դրանց համար հնարավոր տեղային լուծումներ : Թերևս ամենագրավիչ փաստը EASA-ի մասին և միգուցե կենսունակության կարևոր նախապայմաններից մեկըն այն է , որ այն չունի ֆորմալ կառուցվածք , չունի կառավարման մարմին , այլ փոխարենը կոորդինացվում է բոլոր մասնակից երկրներից երկուական ներկայացուցչի կողմից : Ամեն տարի միջոցառումը նախաձեռնող երկիրը դառնում է ժամանակավոր պատասխանատու :
Այսպիսով , միջոցառումը կազմակերպվում և անցկացվում է ուսանող ճարտարապետների կողմից ուսանող ճարտարապետների համար : Ընդունող երկրի ջանքերով և մեկ տարուց ավելի տևող կազմակերպչական աշխատանքների արդյունքում հնարավոր է դառնում հյուրընկալել այս միջոցառմանը ։ Ֆինանսական միջոցներ միջոցառման անցկացման համար նույնպես հայթայթում է ընդունող երկիրը : Թեև մի քանի հարյուր հոգի հրավիրելու համար պահանջվող ահռելի ջանքերին , հավաքը հյուրընկալելու հայտերը չեն պակասում : Հայաստանում միջոցառումը հյուրընկալելու բերկրանքը հայաստանյան թիմը դեռ չի ապրել : Այս տարի EASA-ն անց է կացվելու Ռիեկայում , Խորվաթիա , հուլ իսի 21-ից օգոստոսի 4-ը ընկած ժամանակահատվածում : Մասնակցության պայմաններին ծանոթանալու և լրացուցիչ տեղեկություններ ստանալու համար կարող եք միանալ EASA Armenia ֆեյսբուքյան էջին կամ գրել easa . armenia @ gmail . com հասցեին ։ Մասնակցության հայտերը կընդունվեն մինչև ապրիլ ի 20-ը ։
Աննա Ակտարյան