21
dicionariu estudiau, porque según me estás hablando quedame cara de fatu, burru y apazguatau.
S.- Claro Ramonin claro, pensaves que savies algo de muyeres, pero arrastres una berza que nun comen nin les oveyes.¿ A que acetes a la primera si yo te digo que vengas conmigo a coyer les fabes?
R.- Hombre claro que aceto, dir a la tierra maíz, tú delante y yo detrás mirándote…… les faldes.
yo detrás mirándote…… les faldes.
S.- Lo ves hombre de Dios, que pa ti ye muy importante, el estar con una muyer y por fin el estrénate. Nun te das cuenta Ramón, que cuando tú dibes ya venía yo.
R.-Redios, tas poniéndome guapu, yo que pensé que contigo quitaba un pocu la fame y asi quedabame fartu. Pero ya veo que nun, que contigo nun hay na que facer, que sabes tú muncha lletra y a min fáltame por aprender.
S.-Bueno anda, tampocu te desesperes, que en esti pueblu y los otros, lo que sobren son muyeres. Pero nun pierdas el tiempo, que años tamien los tienes y en cuentu pasen algunos ya nun pues nin con les piernes.
R.- Pero hay que se fastidiar, el cómo sois les muyeres, yo aquí llenu ilusiones y tu rompiendo los corazones, porque taba preparau pa esta vez cortexate, pero cortastime el mexu y ya nun se de que hablate. Asi que si tienes algo más que decime, suéltalo to de una vez, porque ahora ya me da lo mismo once que diez.
S.-Bueno hombre, tampocu ye pa ponese asi, que si en todos estos años, nunca me lo dixisti, yo sabía porque yera, porque nun te atrevisti.
R.- Bueno Servanda, ahora que ya descargastite a gustu y dixistime de to, que tal si entamamos de nuevo la conversación? Tu sabes que me gustes y yo a ti creo que si porqué nun podemos el facelo con buen fin? Tú dices que tengo años, pero tú joven nún lo yes, asi que nun habría manera que cuando llegue el invierno el calentamos los pies?
S.-Ay Ramonin, Ramonin, yes tercu como un burrin, pero dexame pensalo, porque quizás algún día podamos realizalo. Pero yo nun quiero casame eh? Pues perdería la paga tal vez sería mejor el axuntame. Y tú piénsalo tamien,y nun vayas tan lanzau, que si esperasti hasta ahora nun fue por espavilau.