13
"LES COSES DE PIN Y JUAQUINA"
¿Ya ta la cena Juaquina?, ¿ya acabasti tu de trabayalo tó Pin? Hombre to nun lu acabé, pero faltame bien pocu y si nun puedo acabalo hoy tó, dexo algo pa mañana.
Si hombre, como casi tos los dis, nun se como te arregles, que siempre tienes que dexar algo.
Gueno muyer, ye que to nun se pue facer en un día, la vida tien otres coses, nun va ser to trabayar y trabayar, porque al final va quedar to aquí, pallá, nun llevamos ná, o nun viste al probe Ramón?, que yera bastante joven y morrió el hombre en sin enterase.
Bueno Pin, Ramón tubo mala suerte, el hombre nun gastaba mucha salú, pero eso sí, trabayaor, nun lo había más y nun como otru que yo conozco y nun miro pa nadie y así axuntó lo que axuntó, pos a la so muyer, nunca i faltó de ná, tenia lo que quería y nun vuelvo a mirar pa nadie.
Pero mira una cosa Juaquina, como nun diba axuntar perres, en si nun gastaba un duru, tenia hasta les que ganó ena mili faciendo guardies, pa to el regimientu hombre, y voy a decite más, yo creo que nun comia, porque después tenia que cagalo, joder. ¿ eso ye vivir la vida?, claro ahora vivela la
muyer, pos con les perres de él, la pensión que tenia y ella que tamien cotizaba a la graria, y nun como otra que yo conozco y tampocu miro pa nadie.
Vamos a ver Pin del alma, tu ¿como pienses eses coses?, ¿como pues ser tan burru? Si nun fuera por tó lo que fixo,¿ que porvenir se iesperaba a la probe Adela?, po lo menos miró por ella y pa que nun i faltase na el día de mañana. Y si yo nun cotizo a la graria, nun será porque yo nun quiera, si non porque vivo con alguien, que tando él bien, los demás que se jodan, ¿ eh compañeru?. Bueno yo creo que más que mirar por ella, lo que fixo fue mirar pa ella, porque la verdá, nun tá mal del tó-¿eh?
Gueno pos les demás nun creo yo que tán, tan mal, o nun será que cansamos de la misma? Y claro nin mirar pa ella, nin pagai la graria.
Hombre Juaquina, yo nun tengo tantes perres como pa pagar tantu. Pero tienesles pa dir al chigre con los amigos, venir pa casa borrachu, más de una vez y mientres tantu yo toy aquí sola, esperándote pa date la cena, porque nin siquiera sabes cogela tu solu, ¡inutil!.