'Prontuit '
KABOUS MEIRING
… OOR ’N HONDERD!
In Oktober is die 100ste episode van Prontuit uitgesaai.
Die aanbieder, Kabous Meiring, vertel van die hoogte- en laagtepunte.
H
30
oe ek op Prontuit beland het,
is een van daardie stories
wat ’n mens in Hollywood
oorvertel as jy baie bekend is
– soos die nou reeds bekende verhaal van
Charlize Theron wat ’n woordewisseling
in ’n bank begin het en toe raakgesien is.
Ek is egter nie in Hollywood nie en ook
nie bekend nie, maar vir my is dit ewe
opwindend. En kom ons wees nou eerlik:
Ek is mál oor Prontuit.
Maar hoe het dit begin?
Ek was in ’n redelik onaantreklike,
praktiese pakkie – kortbroek, stapskoene
en windjekker – toe ek die regie gedoen
het vir die oudisies om ’n aanbieder vir
Prontuit te soek. Ek moes noodgedwonge
instaan as gas (ek het as aanbieder die
debatte op Dagbreek behartig, maar
was meestal televisieregisseur), en ek en
Mariëtta Kruger het só lekker gesels op
kamera dat daar besluit is om my haar
medeaanbieder van Prontuit te maak.
Dit was ook die begin van ’n stewige
vriendskap, maar die einde van die praktiese en onsexy kleredrag. Ek moes skielik
vir lief neem met grimering en hoë hakke.
Op 4 Oktober 2014 begin ons met Laataand Aktueel en daardie Woensdagaand
was die eerste Prontuit-uitsending. Toe
Mariëtta weg is, het sy my gelos met baie
gereedskap, en sy staan steeds reg om raad
te gee en lekker te kuier.
Prontuit word beskryf as ’n program
wat identiteitskwessies ondersoek. Dis
wyd ja, maar dit beteken dat ons na heelwat aspekte van menswees kan kyk. Ons
voer ook onderhoude met Suid-Afrika
ners wat diep spore getrap het – skrywers,
joernaliste, denkers en soms moeilikheidmakers. Een van die moeilikste onderhoude wat ek gevoer het, was met Jani
Allan, bekende joernalis wat tot vandag
toe ontken dat sy ’n liefdesverhouding met
die destydse lei er van die AWB, Eugène
TerreBlanche, gehad het soos beweer is.
Jani het haar memoires geskryf, en deel
van die stories is ’n wonderlike terugblik
op ’n omstrede en glamorous lewe in
Johannesburg. Sonder om haar te veel op
te hemel wou ek haar laat tuis voel en hier
en daar kritiese vrae vra. ’n Uitdaging, veral
met iemand van haar kaliber.
OM OP PRONTUIT TE WERK bring
jou in aanraking met interessante en
noodsaaklike gesprekke. Ek dink dadelik
aan die boek Soos familie deur Ena Jansen.
Die boek ondersoek die posisie van die
huishulp in die Suid-Afrikaanse literatuur
– vir my broodnodige stof tot nadenke.
Heel voorspelbaar was een van die gewildste uitsendings van Prontuit tot dusver
die gesprek oor die toekoms van die wit
man. Kallie Kriel en Piet Croucamp saam
in ’n ateljee kan ’n kyker se bloed behoor
lik laat kook, en miskien is mense net
so erg bekommerd oor die wit man as
oor die witrenoster. Ons hét darem ook
onlangs oor die wettiging van handel in
renosterhorings gepraat – iets wat ’n interessante brandpunt vir die komende
jaar gaan wees.
Voor ’n uitsending knaag die senuwees maar altyd, maar met ’n sterk
span is ek in goeie hande. En om
gesprekke as stokperdjie te be
oefen én dit as ’n regte werk
te doen maak my gelukkig. Die feit dat kykNET
’n platform gee vir
programme wat inligting gee en die
nuuskierigheid oor
ons sosiopolitiek
prikkel, is belangrik.
Prontuit Maandae om 22:00 op kykNET, DStv-kanaal 144
kykNET | UITGAWE 4 | 2016