Tina het al ’n paar filmkrediete op haar
kerfstok. Sy was die medeskrywer van
Leading Lady, die skrywer van French
Toast, die vervaardiger van Sy Klink Soos
Lente, en die volgende rolprent uit haar
pen is Jou Romeo wat einde Desember
vrygestel word.
“Elke skrywer wat ’n ware verhaal in
’n draaiboek omskep, moet tot ’n groot
mate kreatiewe vryheid gegun word en
daarvan gebruik maak,” sê Tina oor Vir
die Voëls. “Ten spyte daarvan dat ek my
allerbes probeer het om die ware verhaal
te eerbiedig, was daar beslis ’n paar karakters en gebeurtenisse wat moes wegval,
maar gelukkig ook ’n paar kleurryke siele
en tonele wat bygekom het.”
Die grootste uitdaging vir haar met
hierdie projek was dat die wêreld waarin
die storie afspeel, vir almal bekend is.
Francois Jacobs, in die eerste
fliekhoofrol van sy loopbaan,
is te sien as Sampie.
‘Wanneer hy val, tel hy
homself weer op en niks
sal in sy pad staan om
die vrou van sy drome se
hart te wen nie.’
“Dit het groot sports veroorsaak met
elke weergawe van die draaiboek, want
elke aandeelhouer onthou iets anders van
daardie tydperk en wil dan sy of haar eie
belewenis ook in die film weerspieël sien.
Ek het soveel as moontlik insette probeer
absorbeer en ek dink dit gaan uiteindelik sorg dat oud en jonk die storie as eg
Suid-Afrikaans sal kan geniet,” sê sy.
FRANCOIS JACOBS, WAT DIE ROL
van Sampie speel, het by sy ouers, Sandra
en Kobus, aangeklop om die karakter te
vorm. “Die jare sewentig was ’n interessante era,” sê Francois. “Ek het met my pa
gepraat oor die Grensoorlog en veral oor
die lingo wat hulle destyds gebruik het.
Quentin het ons baie vryheid gegee en dit
was lekker om so te werk. Daar was baie
goeie riglyne van die teks, maar daar was
ook dinge wat ons subtiel kon inwerk.”
Hy sê die karakter is iemand wat baie
soos hy is. “Sampie vat nie nee vir ’n antwoord nie. Wanneer hy val, tel hy homself
weer op en niks sal in sy pad staan om die
vrou van sy drome se hart te wen nie.”
Dit is Francois se eerste hoofrol in
’n rolprent. Hy was voorheen te sien
in Pad Na Jou Hart, Hollywood in My
Huis en Agent 2000, en het ook in die
Daar kom die bruid... Simoné Nortmann, bekend vir haar rol in die komediereeks Hotel, speel
die ander hoofrol in die fliek – dié van ’n jong Irma.
TV-reekse Donkerland, Binnelanders en
7de Laan sy verskyning gemaak. Hy werk
ook graag in die teater en was onlangs te
sien in die bekroonde People are Living
There waar hy onder andere teenoor
Anna-Mart van der Merwe gespeel het.
“Ek het dit baie geniet om van begin
tot einde deel te wees van Vir die Voëls,”
sê hy. “Dit was groot pret en ons het later
soos familie gevoel.”
Hy het eers ná die verfilming die ware
Sampie ontmoet. “Ek wou hom nie voor
die tyd ontmoet nie, want ek wou nie met
vooropgestelde idees die karakter vorm
nie. Maar nadat ek hom ontmoet het,
was ek bly dat ek tog naby aan die ware
Sampie gekom het.”
Francois sê hy glo oud en jonk gaan die
fliek geniet. “Mense van my ouderdom
het nog net van die jare sewentig gehoor
en is moontlik nuuskierig oor daardie
tyd. Ouer mense sal die fliek geniet omdat hulle weer daardie tyd kan herleef.
Een ding is seker: Vir die Voëls is nie jou
tipiese romantiese komedie nie.”
“Vir die Voëls is vir almal,” sê Karen.
“Dit kom uit ’n era wat mense sal herken,
en dis interessant om te sien hoe anders
die lewe was. Ek is ook baie trots om te
sien hoe kykNET se Silwerskermfees
deur die jare gehelp het om flieks soos
hierdie te maak. Die fees het geleenthede
geskep en mense bymekaar gebring, wat
nou sorg vir projekte waarop ons trots
kan wees. Mense speel nie meer almal in
hulle eie dammetjie nie; ons werk nou
saam om die beste moontlike vermaak
vir Suid-Afrikaners te skep.”
Vir die Voëls word op 25 November 2016 vrygestel
2016 | UITGAWE 4 | kykNET
13