die werklikheidsprogram Slank. Hierin
word die gewigsverliespad gevolg van
13 alledaagse mense van verskillende
ouderdomme en agtergronde en met
uiteenlopende loopbane, maar almal met
een ding in gemeen: Hulle word terug
gehou deur hulle gewig. Elke episode
volg een deelnemer deur die hele tydperk
van drie tot vyf maande, en Leandie is by
om hulle te motiveer en inspireer.
Leandie het besluit om deel te word
van die program omdat sy self baie
gesondheidsbewus is en ook in haar
motiveringspraatjies mense aanmoedig
om na hulleself en hulle gesondheid om
te sien.
“Ek is mal oor die formaat van die
program omdat die deelnemers nie met
mekaar meeding nie. Elke epsiode gaan
oor één persoon se journey en of daardie
persoon sy teikengewig bereik het – en
hoe. Jy is dus net in kompetisie met
jouself en jou eie standaarde en ek love
dit, want ons is almal anders en kan nie
met mekaar vergelyk word nie. Ons het
ander persoonlikhede, lewens en lywe, en
daarom gaan almal ánders gewig verloor
– op ander maniere en om ander redes.
Dis die boodskap wat ek in my praatjie
oordra: No one can beat you at being you.
Dis wat die program ook sê: Wees die
beste jy.”
Leandie het self ’n baie gesonde en
gebalanseerde verhouding met kos,
maar soos die meeste van ons het sy ook
al met haar gewig gesukkel. “Toe ek in
gr. 10 was, het ek gelyktydig opgehou
met ballet en atletiek, en toe skop my
hormone boonop op dieselfde tyd in. Ek
het net die heeltyd boeries in my mond
gedruk en nooit besef dít wat jy inneem,
Leandie op