JACK PAROW
vat die langpad
OP ’N HARLEY
Droom jy daarvan om die land plat te ry op ’n bike? Dis presies wat die kletsrymer Jack Parow
saam met Hardus van Deventer gedoen het. Ons hoor wat die hoogtepunte was.
Deur Herman Lategan
A
s jy teen dié tyd nog nie weet
van Dis Hoe Ons Rol nie,
dan was jy seker in Antarktika of, soos D.J. Opperman,
vasgevang in een of ander vreemde
koma uit ’n bamboesstok.
Die rapper Jack Parow en sy ou
vriend die TV-regisseur Hardus van
Deventer het 30 dae lank ons wye en
droewe land gaan verken. Op hulle
Harley Davidson-motorfietse. Daar
is onder meer crazy gesprekke met
44
kykNET | UITGAWE 3 | 2016
randeiers, besoeke aan eienaardige eenkantdorpies, kuiers in afgeleë kroegies
waar mitologiese groen brommers in die
agtergrond woer-woer, en Jack Parow se
lewendige optredes. Ook ’n reksprong
van ’n brug af wat jou laat voel jy blaas
nou jou laaste asem uit.
Belangrik: Só ’n eenmaal-in-ʼn leeftyd-ontdekkingsreis is groter as net
’n lang rit oor die landskappe van nege
provinsies wat op kamera vasgevang is;
dis ook ’n innerlike avontuur. Dit gee
’n stem aan iets uit ons oertyd, toe ons
ter wille van oorlewing van plek tot plek
moes swerf. Dit wek weer die antieke
mens en sy verlangens in ons op, ons
raak nuuskierig, ons horisonne verbreed.
Die klank van brullende motorfietse
op die langpad word soos ritmiese en
hipnotiese hartsmusiek. Omdat die
ysterperde so ’n belangrike rol speel in
hierdie produksie, amper soos ekstra
karakters, het ons besluit om Jack Parow
s’n van nader te bekyk.