M
in slaap, baie dae weg
van die huis af, fyn
beplanning... Dís wat
nodig is om kykNET
by al die feeste en geleenthede te
kry. Aan die stuur van sake namens
kykNET is Cherize van Wyk, die
kanaal se geleentheidsbeplanner.
Sy vertel meer.
By hoeveel geleenthede is kykNET
jaarliks betrokke? Dit verskil elke
jaar, maar ons is gewoonlik by 5060 geleenthede – en dis ’n kombinasie van feeste reg oor die land,
kykNET se eie geleenthede (soos
die Fiëstas, die Silwerskermfees, die
Ghoema-toekennings en premières
van flieks waarby ons betrokke is) en
funksies wat die kanaal ondersteun.
Wat is die grootste geleenthede?
Ons eie geleenthede – die Fiëstas,
Ghoemas en Silwerskermfees – en
dan ook die groot feeste waarby ons al
jare betrokke is, soos die KKNK, Innibos en die US Woordfees. Dis moeilik
om te sê een geleentheid is groter as
’n ander, want elkeen het dieselfde
aandag nodig, en elke fees, groot of
klein, is vir ons ewe belangrik.
Hoeveel mense van
kykNET woon dié
geleenthede by? Ons
maak seker dat daar
minstens een verteenwoordiger by elke geleentheid is is. Ek kan
met trots sê ons span
hou die #feesgees aan
die lewe, want die
#feeskatte is lief vir
fees hou.
Watter beplanning is
nodig vir elke funk
sie? Natuurlik het
elke geleentheid sy
uitdagings – groot of
KOM SOEK
ONS HIER!
In Augustus,
September en
Oktober gaan ons
hier wees.
Oppikoppi
Northam, Noordwes
5-7 Augustus
Silwerskermfees
The Bay-hotel,
Kampsbaai
24-27 Augustus
Gariepfees
Kimberley
1-4 September
Kamers Vol Geskenke
The Galleria, Kramer
ville, Johannesburg
28 September2 Oktober
kykNETbuitelugekspo
Mbizi-wildslodge,
Bela-Bela
30 September2 Oktober
Oorkant, kloksgewys van bo Anél Alexander en Jacques Bessenger was verlede jaar
by die Silwerskermfees met die rolprent Sink;
Cherize van Wyk, geleentheidsbeplanner by
kykNET, en haar vriend, Clemond Dartnall;
Sue Pyler en Eloise Cupido by die Fiëstas;
Beer Adriaanse, Bibi Slippers en Pietie Beyers
by die Silwerskermfees in Kampsbaai.
klein. Die beplanning verskil, maar
om elkeen seepglad te laat loop maak
ons seker die voorafbeplanning is
goed. Die laaste ding wat ons wil
doen, is om die dag van die geleent
heid die heeltyd rond te hardloop en
vure dood te slaan. ’n Goeie kennis
van jou mark, plus vars en nuwe
idees, is deel van die geheim. Ook
om seker te maak elke geleentheid
het sy eie spesiale geur.
Wat geniet jy die meeste van kykNET se geleenthede? Ek sê altyd by
elke liewe geleentheid is daar daardie
twéé sekondes wat alles die moei
te werd maak – dit maak nie saak
hoe jou voete pyn of hoe jou oë wil
toeval omdat jy gisteraand net twee
uur geslaap het nie. Daardie oomblik
kom gewoonlik wanneer jy stilstaan
en alles om jou draai, maar dan vries
die horlosie en jy besef alles is mooi
en perfek.
Is daar enige nadele? Vir my is die
enigste nadeel dat ek baie weg is van
die huis af – elke keer as ek terugkom, kry my vetplantjies swaar, en
al wat ek in my yskas het, is olywe,
gemufte kaas en ’n halwe bottel wyn.
Én my oogroomverbruik skiet die
hoogte in weens die min slaap!
Op ’n ernstiger noot: Die enigste
nadeel is dat ons nie méér kan doen
nie. Elke jaar is daar ’n hele klomp
nuwe geleenthede, wat wonderlik is,
maar ongelukkig kan ons nie oral
wees nie.
Hoe lank beplan julle aan elke jaar
se kalender? Ons beplan ’n maand
lank aan die jaar se beplanning,
maar ongelukkig kan ons nie aan die
begin van die jaar alles vasmaak nie
omdat ons weekliks nog versoeke
kry om by geleenthede betrokke te
wees. Ons kalender word dus maandeliks bygewerk met opwindende
nuwe projekte.
43
2016 | UITGAWE 3 | kykNET