Sjokolade-en-aarbei-crêpekoek
(maak 1 groot koek)
Jy benodig
VIR DIE KONFYTSOUS
• 420 g bevrore bessies
• ½ koppie (125 ml) suiker
• ½ koppie (125 ml) water
• ’n skeut suurlemoensap
VIR DIE CRÊPE-SJOKOLADEKOEK
• 2/3 koppie (160 ml) gesmelte botter
• 12 eiers
• 4 koppies (1 liter) melk
• 1 koppie (250 ml) water
• 1 teelepel (5 ml) vanielje-ekstrak
•¼
koppie (60 ml) plus 2 eetlepels
(30 ml) suiker
• 2½ koppies (625 ml) koekmeel
• 2/3 koppie (160 ml) donker kakao
VIR DIE VULSEL
• 2 koppies (500 ml) dubbeldik
of slagroom
• 1 teelepel (5 ml) vanielje-ekstrak
• ½ koppie (125 ml) strooisuiker
• 225 g mascarpone- of roomkaas
teen kamertemperatuur
• 2 koppies (500 ml) vars of
bevrore bessies
VIR DIE AFRONDING
• vars of bevrore aarbeie of bessies
vir versiering
• sjokoladeversierings
• 1 koppie (250 ml) versiersuiker, gesif
Só maak jy
1 Maak die konfytsous: Sit al die bestanddele in ’n kastrol op die stoof en laat
dit teen ’n hoë temperatuur kook. Skep
heeltyd die boonste skuimlaag af. Voeg
teen die einde die suurlemoensap by en
laat die sous afkoel.
2 Maak die crêpe-sjokoladekoek: Dis
belangrik om al die bestanddele vir die
koek teen kampertemperatuur gereed
te hê – dit keer dat die mengsel klonte
vorm. Smelt die botter en laat dit eenkant
afkoel. Klits die eiers, melk en water
met ’n handklitser saam en voeg dan die
botter by asook die vanielje en suiker.
Sif die meel en kakao bietjies-bietjies by
die mengsel en klits dit totdat daar geen
klonte meer is nie. Laat dit vir 10-30 mi
nute staan tot alle borrels verdwyn.
3 Verhit ’n kleefvrye pannekoekpan oor
matige hitte. Gooi ’n ¼ koppie van die
beslag in die pan en kantel dit om die
beslag eweredig in die pan te versprei.
Draai die crêpe ná ’n minuut om en bak
dit vir 30 sekondes. Herhaal tot die beslag
op is, en stapel die crêpes in 3-4 stapels
sodat hulle vinniger kan afkoel.
4 Maak die vulsel: Klits die room, vaniel
je en strooisuiker in ’n elektriese menger
saam tot dit sagte punte vorm. Voeg die
sagte mascarpone by en klits dit tot daar
geen klonte meer is nie. Vou die bessies
versigtig met ’n spatel in.
5 Bou die koek: Sit een crêpe op ’n koekbord neer, smeer van die vulsel oor en sit
nog ’n crêpe bo-op. Herhaal die proses
met die res van die crêpes en vulsel – en
smeer op elke vyfde laag van die konfytsous. Rond die koek af met vars vrugte
en sjokoladeversierings soos verkies. Sif
laastens versiersuiker oor.
Mariebeskuitjiesjokoladevierkante
(maak sowat 24 groot blokkies)
Jy benodig
• 250 g gesoute botter
• 500 g versiersuiker
• ½ koppie (125 ml) goeie kakao
• 1 eier, liggies geklits
• 1 pakkie Mariebeskuitjies,
in stukkies gebreek
• ½ koppie (125 ml) klapper
• ’n hand vol pekanneute (opsioneel)
Só maak jy
1 Smelt die botter in ’n pot, haal dit
van die hitte af en roer die versiersuiker en kakao daarby in. Meng dit
tot die mengsel gesmelt en glad is.
Roer die eier by en meng dit tot glad.
2 Voeg die Mariebeskuitjies, klapper
en neute by (indien jy dit gebruik)
en roer die mengsel tot alles mooi
deurgemeng is. Giet die mengsel in
’n gesmeerde bakplaat en maak dit
met die agterkant van ’n lepel plat.
3 Sit die pan in die yskas om heeltemal
af te koel en sny die koek dan in ewe
groot blokkies.
Die resep kom oorspronklik uit Huisgenoot
Wenresepte, maar is met Corli se eie keuse
van bestanddele aangepas.
35
Bron: Tatayanas Everyday Food
2016 | UITGAWE 3 | kykNET