En die wenner is...
Corli
Ná ’n naelbytstryd en ’n gebak en brou in die Koekedoor-kombuis is Corli Botha
as die wenner van die tweede reeks van dié gewilde werklikheidsreeks aangewys.
Sy deel drie van haar wenresepte met ons.
Swart-en-wit
kolwyntjies
(maak 24 kolwyntjies)
Jy benodig
• 250 g botter teen kamertemperatuur
• 450 ml strooisuiker
• 5 groot eiers, geskei
• 1 koppie (250 ml) ongegeurde dubbeldik jogurt
• 700 ml bruismeel
• ½ teelepel (2,5 ml) sout
• 1 teelepel (5 ml) bakpoeier
VIR DIE ITALIAANSE MERINGUE
• 400 g strooisuiker
• ¼ koppie (60 ml) water
• 4 eierwitte
• ½ koppie (125 ml) versiersuiker
VIR DIE VERSIERING
• fondant
34
Só maak jy
1 Maak die kolwyntjies: Klop die botter tot dit sag en romerig is. Voeg die
strooisuiker bietjies-bietjies by. Klits
die eiergele in ’n bakkie en voeg dit by
die bottermengsel. Voeg die jogurt by
kykNET | UITGAWE 3 | 2016
en meng alles deur tot goed gemeng.
2 Sif die bruismeel, sout en bakpoeier
twee keer saam en voeg dan die meelmengsel by die bottermengsel. Meng
dit goed, maar nie te veel nie.
3 Klits die eierwitte styf. Meng ’n kwart
van die eierwit deur die beslag om dit
losser te kry en vou dan die res met
’n metaallepel in. Gooi die beslag in
individuele kolwyntjiehouers sodat die
houers omtrent driekwart vol is.
4 Maak die meringue: Gooi die suiker
en water in ’n kastrol en verhit dit tot
die suiker smelt – doop ’n kwassie in
water en vee enige suikerkristalle
teen die kant van die kastrol af. Laat
die mengsel kook tot dit 115 ºC op
’n suikertermometer bereik.
5 Klits die eierwitte styf en giet die
suikerstroop stadig daarby in terwyl
jy dit teen ’n hoë spoed klits – klits dit
tot die mengsel afgekoel het. Voeg die
versiersuiker by en klits dit tot alles
goed deurgemeng is.
6 Gebruik swart jel-koskleursel, te kry by goeie
bakwinkels, en
verf met
’n kwassie
’n streep
aan die
binnekant
van ’n spuitsak. Skep die
meringuemengsel
in die spuitsak en ver
sier die kolwyntjies daarmee.
7 Gebruik die fondant om verskillende musieknote en klavierklawers te
maak. Pak dit op die kolwyntjies en
versier dit met eetbare blinkertjies.