REPUBLIEK TOE
Welkom in...
Zoid Afrika!
’n Uitnodiging om ’n gehoorlid te wees by ’n opname van Die
Republiek van Zoid Afrika is soos om genooi te word om in
Buckingham Paleis te gaan tee drink. By die kwien haarselwers...
Deur Ilza Roggeband
A
32
lles is baie geheimsinnig, die
sekerheidsmaatreëls streng.
(Goed, jy sien darem nie mans
met wit hemde, oorstukke
en wapens nie...) Jy is daar omdat jy net
eenvoudig daar móét wees. ’n Uitnodiging
is so skaars soos hoendertande. Die uitgesoekte groepie mense, nie eens 60 van
hulle nie, staan buite en wag geduldig.
Die ateljee is digby die N2-snelweg in
Kaapstad en in die verte is ’n stuk van
Tafelberg sigbaar.
“Is daar iemand wat toilet toe wil gaan?”
vra een man. “Julle moet nou gaan, want
as die opname begin, mag niemand uitgaan nie.”
’n Paar mense gaan loop ’n draai. Dan
roep hulle ons: Dis tyd om in te gaan.
Die ateljee is onmiskenbaar Die Repu
bliek van Zoid Afrika. Die retro-meubels,
die Tretchikoff-kussings, die klankversterkers wat opgestapel staan. Daar is
kameras en ligte, ’n klankman maak
kykNET | UITGAWE 3 | 2016
’n laaste paar verstellings. Op die verhoog
staan die orkes gereed.
Ek en my 13-jarige seun, Zac, sit in die
tweede ry van voor. “Dit lyk so klein,” sê
hy. Ja, soos iemand se sitkamer, dink ek.
Dis nou as jou sitkamer ’n verhoog met
’n band het.
Die vloerbestuurder, Hugo Theart, sê
watter van die gehoorlede waar moet sit.
TREFFERSPARADE
Van die grootste treffers wat die
reeks al opgelewer het, is “Sonvanger”
saam met Valiant Swart, “Weeping”
(Vusi Mahlasela), “Ek Lewe” (Anneli van
Rooyen), “Groen Trui” (Jan Blohm), “Cooler
as Ekke” (Jack Parow), “Hillbrow” (Bobby
van Jaarsveld), “African Dream” (Vicky
Sampson) en “Dis ’n Land”
(Snotkop).
As almal sit, begin hy praat, verduidelik
dat hierdie ’n opname is en die mikrofone
elke geluid optel. Hy laat ons klap en jil
vir ’n opname, wys wanneer ons harder en
sagter moet klap. Wanneer hy sy hande
laat sak, moet ons ophou raas.
Hy lees ons die leviete voor: Moet asseblief nie uitpraat nie. Nog in geen reeks
– en hierdie is die vierde een – het iemand
uitgepraat oor wat op die program gebeur
of wie die gaste is nie. Laat ons asseblief nie die eerste gehoor wees wat nié
’n geheim kan hou nie. Ek maak groot oë
vir Zac. Hy knik sy kop. Hy verstaan.
Vanaand is ’n baie spesiale program, sê
Hugo. Dit gaan teen die einde van die jaar
rondom Kersfees uitgesaai word.
Almal is reg. ’n Man met ’n klapbord
gaan staan voor die kameras. Klap! Aksie!
Ons begin hande klap en jil. Die orkes
begin speel en van agter ’n fluweelgordyn
kom sy uitgestap – Karen Zoid, president
van haar eie Republiek van Zoid Afrika.