V
ir die perfekte steak moet jy
eerstens die beste vleis koop
wat jy in die hande kan kry.
Met ’n treurige stuk steak kan
jy nie veel uitrig nie – al braai jy hom
ook hóé goed.
1
Kamertemperatuur As jou steak
in die yskas is, moet jy hom minstens
20 minute voordat jy hom wil braai,
uithaal. Hou hom in die skaduwee of
in die huis – en gooi ’n vadoek oor om
te keer dat die vlieë daarop toesak (jou
steak is 100% proteïen!). En as daar
honde of hiënas in die omtrek is, sit die
vleis op ’n plek waar hulle dit nie kan
bykom nie. As jy ’n goeie steak koop,
gaan jy hom waarskynlik nie vries nie,
maar as jou vleis wel bevrore is, skuif
dit minstens ’n dag voor die tyd van die
vrieskas na die yskas.
2
Warm is die wagwoord Jy
het baie kole nodig, en hulle moet
vuurwarm wees – as jy wonder of
jy genoeg hitte gaan hê, is die antwoord
gewoonlik nee. As jy met regte hout
’n regte vuur maak – en ons almal weet
dis die beste manier om te braai – maak
van die begin af ’n groot vuur sodat jy
weet jy het genoeg hitte. Moenie ’n middelslag-vuur maak en dan later nog
hout bysit nie, want teen die tyd dat die
tweede klompie hout uitgebrand het
en gereed is, sal die kole van die eerste
klompie al halfdood wees. Stook die vuur
met baie hout, wag tot dit uitgebrand
het, en braai dan dadelik – as die vleis
eers op die vuur is, is jy kort voor lank
klaar gebraai. As jy om die een of ander
rede houtskool moet gebruik, steek weer
eens ’n hele klompie aan. Vir ’n klein
braai kan jy so ’n halwe sak uitskud. (Ek
gebruik dikwels ’n hele sak as ek steak
braai vir ’n vakansiehuis vol mense.)
3
HOOFFOTO SHUTTERSTOCK
Hoe hoog? Hoe hoog jou rooster
bo die kole is, maak nie soveel saak
nie. Enigiets tussen 5 cm en 15 cm is
in die haak. Wanneer jy steaks by die huis
braai, braai hulle altyd op dieselfde hoogte
en sorg dat jy wéét wat daardie hoogte is.
Wanneer jy op ’n nuwe plek braai, skat
die hoogte van die rooster relatief tot die
hoogte van jou rooster by die huis en pas
jou braaityd daarvolgens aan.
4
Nie te gaar nie Steaks behoort
mediumrou (medium rare) gaar
gemaak te word. As jy regtig jou
steak halfrou (rare) verkies, probeer
eerder steak tartare of beescarpaccio. As
jy halfgaar (medium) verkies, begin nou
’n goeie gewoonte en koop topgehalte
steaks, leer om hulle beter te braai en
ontwikkel jou smaaksintuig om hulle
mediumrou te eet. As jy van jou steak
half- of deurgaar (well done) hou, vir wat
lees jy hierdie? Jy is sekerlik groot genoeg
om jou vleis op eie stoom op te foeter. As
enige van jou gaste hulle vleis deurgaar
wil hê... weier!
5
Om te sout of nie Jy kan die
sout byvoeg wanneer jy wil – voor,
gedurende of ná die braai. Ek dink
regtig nie dit maak veel verskil aan hoe
sag of sappig die vleis gaan wees nie.
6
Kyk op die horlosie Kyk hoe
laat jy die steaks op die rooster
sit en haal hulle ná so 7 minute
af. Steaks van 2,5 cm tot 3 cm dik neem
omtrent 7 minute om mediumrou te
word (10 cm bo vuurwarm kole). Verdeel die 7 minute soos volg: Ná 2 minute draai jy die steak die eerste keer om,
ná nog 2 minute word hy nog ’n keer
omgedraai, en 1½ minute later word
hy ’n laaste keer gedraai. Laat hom nou
vir nog 1½ minute oor die kole lê en
hy’s perfek.
7
Kom draai Meraai Gebruik
’n braaitang om die vleis om te draai
en nié ’n vurk nie. ’n Vurk steek gate
wat jou sappigheid kan kos.
8
Hoog en droog Die vleis moet
droog wees wanneer jy dit oor die
kole sit; moenie dit marineer of
met sous verf voordat albei kante vir
2 minute gebraai het nie. Terwyl die
hitte van die kole die onderste oppervlak van die vleis seël, vind sekere
chemiese reaksies plaas – dis dié reak
sies wat deels verantwoordelik is vir
die heerlike braaismaak. As jy die vleis
met sous verf voordat dié reaksies
plaasgevind het, stoom die buite-oppervlak en jy verloor daardie braaismaak.
9
Domino-effek As jy die steaks
een-een omdraai, maak seker jy
doen dit in die volgorde waarin
hulle op die rooster gegaan het, en haal
hulle ook in daardie volgorde af.
10
Blaaskans... Vleis het ’n rus
kansie nodig voor jy dit eet – só
kom die sappe tot bedaring en
keer jy dat alles uitloop as jy die vleis sny.
Tog moet die vleis nie koud wees teen
die tyd dat jy dit eet nie. As jy die borde
vooraf verhit, behoort dit nie ’n probleem
te wees nie. Moenie die steak saam met
’n klomp ander vleis in ’n aluminium
braaibak sit nie. As jou vleis vir ’n uur in
die oond lê en stoom terwyl die een of
ander skaapkop nog sy bevrore hoender
braai, gaan jou steak verwoes wees.
Uit: Jan Braai Vuurwarm, uitgegee deur
Book Storm en Human & Rousseau
Jan Braai vir Erfenis Sondae om 18:00 op kykNET, kanaal 144
2016 | UITGAWE 3 | kykNET
29