mentêre reekse op kykNET, maar Hotel
hou rêrig by die genre se konvensies.”
Die reeks speel af op Fransenburg,
’n fiktiewe dorpie in Mpumalanga. Die
Fransen-hotel, met Ferdie Kruger (James
Borthwick) aan die stuur van sake, word
oorgeneem deur die weeldehotelgroep
Lourier. Thomas van As (Beer Adriaanse)
word soontoe gestuur om die hotel saam
met Ferdie te bestuur... en dit lei tot allerhande dinamika en uiteraard konflik.
Danny Beyers, wat deur Schalk gespeel
word, is ’n portier by die hotel, maar hy
is ook ’n aspirant-akteur wat lid is van
’n dramagroep op die dorp.
“Hy wil graag hê al die ander karakters
moet sy acting-tonele saam met hom
oefen. Danny het baie beskermend grootgeword en is ’n totale optimis wat glad
nie die bose in die wêreld of ander mense
sien nie,” sê Schalk. “Ek dink die kykers
behoort hom te geniet.”
Vir sy rol as Danny het Schalk besluit
om sy snor af te skeer en sy hare te sny.
“Ek wou nie hê mense moet dink dit is
Schalk wat besig is om Schalk te speel
nie – ek wou ’n transformasie ondergaan
sodat mense eerder vir Danny kan sien.”
Die akteurs het vyf weke saam op
die stel deugebring. “ ’n Mens raak soos
’n familie,” sê Schalk. “Die soort vriend
skappe wat ek gemaak het, dis friends for
life. Ek hoop ons sal saam nog nuwe werk
kan skep en vorentoe saam werk aan projekte. Ek sal graag dié vriendskappe met
’n tweede seisoen wil voortsit, maar dít
kan net die kykers bepaal.”
Schalk wil graag meer TV-werk doen
en elke jaar ’n nuwe vollengte komedie
vertoning verhoog toe bring. Intussen
raak hy nog gewoond aan al die aandag –
hy kry byvoorbeeld boodskappe op Facebook van mense wat wil weet of hy Sacha
Baron Cohen se Borat-karakter is, terwyl
ander hom sommer trompop loop en
“Borat!” gil. Ander kom met huweliksaanbiedinge. (Slegte nuus vir dié hoopvolles:
Schalk is in ’n gelukkige verhouding met
die Kapenaar Louise Park-Ross.)
“Ek besef mense het goeie bedoelings,”
sê Schalk. “Dis hulle manier om waarde
ring te wys.”
Twee interaksies kort ná mekaar
by vanjaar se Woordfees illustreer dalk die beste hoe
wyd Schalk se
gewildheid
strek. ’n Studentekelner het skamerig vir
hom gevra of hy ’n selfie saam met hom
kan neem, en kort daarna het ’n ouer man
anderkant aftrede hom in die verbygaan
op die skouer geklop en gesê: “Boetie, ek
sien jy word volksbesit!” As ’n mens kyk
na Schalk se opgang, het daardie oom
duidelik geweet waarvan hy praat.
Erns Grundling is ’n joernalis by die tyd
skrif Weg en werk by geleentheid as vry
skutvervaardiger saam met Schalk.
Hotel Maandae om 20:30 op kykNET, kanaal 144