film, maar ek hoop hierdie toneelstuk
gaan vir my ander teaterwerk bring.”
In 2010 was sy een van die deelnemers
aan die werklikheidsreeks Survivor – die
reeks wat op die ou end deur Gigi van
Schalkwyk gewen is. Wat onthou sy van
haar tyd in dié reeks?
“Dit was moeilik, maar die een ding
wat ek onthou, is dat ek om die een of
ander rede nooit honger was nie. Dit
was asof my brein vir my gesê het daar
is nie kos nie en dis nutteloos om my
daaroor te bekommer. Ek het ook besef
ek kan enige situasie oorleef, maar by
sommige mense kan ek nie kers vashou
nie. Ek het geglo ek kan net myself wees.
Ek is ’n praktiese mens sonder enige
draadwerk, maar met Survivor het ek
besef ek is nie goed vir werklikheids-TV
nie! Ek kon net nie die drama bring wat
nodig was nie.”
Sandi het twaalf jaar in Amerika
gewoon voor sy in 2005 teruggekeer het
na Suid-Afrika.
“Ja, daar is dinge wat ek mis,” sê sy.
“Ek het nooit my deure gesluit nie en
my motorsleutels was altyd in die kar,
maar ek het my familie gemis. My ma,
Margaret, is nou 84, en al woon ek in
Johannesbrug en sy in die Kaap, is ons
op dieselfde vasteland en ons kan met
een vlug by mekaar uitkom. Familie is
vir my belangrik. Ek het ook ’n wonderlike vriendekring in Suid-Afrika, en
hoewel ek in Los Angeles werk gekry
het, is die geleenthede vir my hier net
soveel meer.”
Die gesprek draai na die politiek.
“Ek moet sê die politiek hier
én in Amerika staan my glad
nie aan nie. Dis asof daar
wêreldwyd ’n tekort aan
medemenslikheid is en
dit word in die politiek
weerspieël. Net vanoggend
het ek vir mense vertel van
my grootwordjare op
Franschhoek en hoe
ons hout en water
moes aandra. Dit
was moeilik,
maar mense
het uitgekyk vir
mekaar. Ek hoop die wêreld kan verander
sodat mense – álle mense – meer vir
mekaar omgee.”
Klik hier om
na ’n voorskou
van Hotel
te kyk.
21
Hotel Maandae om 20:30 op kykNET, kanaal 144
2016 | UITGAWE 3 | kykNET