As julle terugdink aan julle kindertyd
en ’n maaltyd moet saamstel, wat sal
dit wees?
Nataniël: Souskluitjies, soetpatat, frikkadelle, karringmelkpoeding. My ouma
se kos.
Erik: Ek was die derde van vier kinders.
Gewoonlik hou ’n gesin op kook ná die
tweede kind. Polonie, maalvleis en tama
tiekos is al wat ek kan onthou.
Nataniël: Die grootste sonde is om op
te daag met eetgoed of iets wat jy self
gemaak het wanneer jy genooi is vir ete.
Dit het gelukkig nog net een keer gebeur
en ek het hulle vinnig reggehelp.
Erik: Om te oorkuier. Die gasheer beheer
die tempo van ’n ete. Moenie dit probeer
uitrek en karring nie. Ry asseblief kort ná
nagereg. Ek kan nie slaap met vuil skottelgoed nie.
Wat was julle gunstelingkos of -gereg toe
julle klein was?
Nataniël: Enigiets. Ek was ’n honger, vet
kindjie. Maar my groot liefde (nog steeds)
is sagopoeding of ’n goeie kerrie.
Erik: Soetgoed soos jellie, versiersuiker,
vla en sagopoeding.
Watter Suid-Afrikaanse bestanddeel
mis julle as julle in Frankryk kook?
Nataniël: Appels! Ek kook baie met
appels en eet elke dag van my lewe
’n vars appel. Hier is die appels aaklig.
Ek verstaan dit g