EEN VAN HAAR SUKSESVERHALE
die afgelope tyd was die toneelstuk Amper,
Vrystaat waarin sy, Antoinette Louw en
Cintaine Schutte gespeel het en wat hulle
saam met die regisseur Nico Scheepers
geskryf het. Die stuk het verlede jaar by
die Vrystaatse Kunstefees gedebuteer en
daarna ’n suksesvolle speelvak gehad by
onder meer die Woordfees en KKNK.
“Ek en Antoinette het op my stoep
gesit en besluit ons wil ’n stuk vir vroue
skryf. Ons het Nico genader en hy het vir
Cintaine nader gehark. Die werkswinkelproses wat ons gebruik het om die stuk
te skep, was baie uitmergelend. Daar was
min sekerheid en baie spanning. Vier
kreatiewe koppe bymekaar maak die
proses baie ryk en wonderlik, maar aan
die ander kant is daar soms ’n gebrek aan
beheer en rigting. Soveel idees is rondgegooi en soveel opsies is oorweeg, maar toe
ons die finale besluite geneem het, het ons
geweet dit is die beste.”
Amper, Vrystaat word ook nou ’n vollengte fliek.
“Neil van Deventer, die vervaardiger
van onder meer Dis Ek, Anna, het ons
genader en as alles goedgaan, begin ons in
die somer skiet en sal die fliek in 2017 vrygestel word. Die draaiboek is nie die teks
nie en die dorpie Amper is as ’t ware nog
’n karakter in die fliek.
“Ons het nie gedink dit sal ooit ’n fliek
word nie – dit was beslis nie deel van die
beplanning nie! Ons het selfs gewonder
of die stuk aanklank sal vind by mense,
maar ons is natuurlik baie bly dat dit nie
‘Jy kry nie net ’n heldin
en ’n heks nie; daar is
soveel fasette tussenin
– én daar is ’n heldin
en ’n heks in elkeen
van ons.’
net ’n sukses was nie, maar ook ’n fliek tot
gevolg gehad het.”
Dit is nie die enigste rolprent wat Milan
vanjaar gaan maak nie. Sy sal ook in
Augustus te sien wees in Muse, ’n kortfilm
op die Silwerskermfees. “Die rol is ’n heerlike uitdaging. My karakter is donker en
slu en gewetenloos, en ek sien daarna uit
om haar lyf te gee.”
Intussen het Milan ook Pieter Kokke
wieter, die tweede boek in haar kinder-
reeks, geskryf. Die boeke gebruik Afri -
kaanse idiome as vertrekpunt – waar die
eerste een “dra jou hart op jou mou” as
tema gehad het, is die tweede een se tema
“dra die wêreld op jou skouers”.
“Van die eerste boek het 2 000 eksem
plare verkoop en dit is baie goed ontvang.
Die lekkerste oproep wat ek in jare gehad
het, was toe ek hoor die Wes-Kaap se Biblioteekdiens het boeke vir al sy biblioteke
gekoop. Die tweede boek sal teen September op die rak wees.”
Tussen alles deur is Milan ook te sien in
die toneelstuk Pa, wat in Augustus onder
meer by die Kalfiefees op Hermanus op
die planke is.
“Ek en Chris van Niekerk, wat die rol
van my pa in die stuk speel, het al saam
TV-werk gedoen, maar nog altyd gehoop
ons kan saam op die verhoog wees. Hy het
so ’n oop, eerlike siel. Hy is vrygewig met
sy tyd en aandag, en hoewel dit ’n moei
like onderwerp is – ’n pa wat aan Alzheimer se siekte ly – is dit ’n plesier om saam
met hom te werk.”
Dan is daar ’n klassieke stuk wat sy en
Sandra Prinsloo wil aanpak, ’n draaiboek
wat sy wil skryf, nog kinderboeke...
Een ding is seker: Milan Murray laat
beslis nie op haar wag nie.
Die Byl Dinsdae om 20:00 op kykNET, kanaal 144
2016 | UITGAWE 3 | kykNET
13