TERTIUS MEINTJES
Byl se baas is
bedrywig
Ná ’n paar jaar in die buiteland
het Tertius Meintjes besluit sy
hart lê in Suid-Afrika.
Jy was te sien in reekse soos Plek van
die Vleisvreters en Isidingo, maar
dit voel asof jy ’n ruk lank van die
TV-skerm af verdwyn het. Nou is jy
weer te sien in Die Byl...
Ek het oorsee gewoon, maar vandat ek
terug is, werk ek nog die heeltyd. Daar
was ’n hele paar uitstallings van my
fotografie, ek het dokumentêre programme en bemarkingsvideo’s vir reekse
en rolprente gemaak, én ek het ’n paar
ondersteunende rolle gespeel in reekse
soos Vloeksteen.
In Die Byl speel ek die rol van genl.
Neels van As, Byl se baas. Hy is knorrig
en het sy eie persoonlike probleme én
verskeie uitdagings by die werk. Dis
’n lekker rol. Ek het dit baie geniet om
saam met Regardt van den Bergh as
regisseur te werk, maar ook die ander
spelers soos Waldimar Schultz, Lika Berning en Milan Murray. Om ’n speurder
te speel was ook iets nuuts vir my.
Waarmee hou jy jou besig?
Dit wissel. In my bedryf moet jy die werk
doen wat vir jou op die tafel gesit word.
Dit gaan deur fases: Dan is dit werk voor
die kamera, dan agter die kamera.
Van waar jou liefde vir fotografie?
Toe ek jonk was, het ek ’n bokskamera
en 8 mm-filmkamera van my pa ontdek.
En toe hy op ’n dag die motorhuis regpak
en ’n boek oor fotografie wil verbrand,
het ek dit gegryp en op 12-jarige ouderdom my eie donkerkamer gebou. Verkies
ek film of digitaal? Die meeste van die
werk deesdae is digitaal omdat dit vinniger en goedkoper is as film. Dit het beslis
sy voordele, maar vir my bly film die fynproewer se keuse.
10
Tertius Meintjes saam met sy medespelers
Waldimar Schultz (kol. Piet van der Bijl) en
Milan Murray (adv. Nicky Malan).
kykNET | UITGAWE 3 | 2016
Wat sou jy sê is jou grootste suksesse
as fotograaf?
Ek was in Berlyn, Duitsland, vir werk
en het soggens werk toe gestap. Ek het
altyd my kamera by my gehad en foto’s
geneem – en mense daar het my foto’s
gesien. Terug in Suid-Afrika het hulle
my genooi om ’n uitstalling te kom hou.
Dit het weer gelei tot werk in Amerika,