Australië en die res van Europa, én uitstallings in Suid-Afrika.
Ek is ook trots op die ateljeefoto’s wat
ek in Los Angeles geneem het en die
reisfoto’s deur die jare. Ek het al wonderlike mense deur fotografie ontmoet:
mense by galerye en publikasies, vervaardigers, skrywers, kunstenaars.
Hoekom het jy tien jaar gelede terug
gekom Suid-Afrika toe?
Daar was verskeie redes: My seun,
Werner – hy is nou 30 en ’n grafiese
ontwerper vir ’n events company – het
my nodig gehad en ek het Suid-Afrika
gemis. Ek is nie ’n Europeër nie. Ek kon
glad nie cope met die winters nie. My tyd
daar was verby. Ek wou terugkom om
Suid-Afrikaanse stories te vertel.
Wat het Suid-Afrika wat Europese
lande nie het nie?
Wel, eerstens sonskyn! En die plek
het ’n natuurskoon soos nêrens elders
nie. Ons het ook ’n verskeidenheid van
mense waarvan ek baie hou. Ons het
’n vryheid in Suid-Afrika wat ons nie
waardeer nie. Ander lande het reëls en
regulasies vir álles. Die wildheid hier het
sy uitdagings, maar die vryheid vergoed
dubbel en dwars d