| Ruda Landman
Ruda Landman
was 19 jaar in die warm
stoel van die aktualiteitsprogram
Carte Blanche voor sy die tuig
neergelê het. Deesdae is sy aanbieder
van VeranderDinge, en aan die
vooraand van die tweede reeks, wat
op 10 April op kykNET begin het,
het sy met Marguerite Robinson
gesels oor die veranderinge
in háár lewe.
Ruda en haar medeaanbieder, Kim Cloete.
W
46
anneer ’n mens die naam Ruda Landman noem, is die
eerste reaksie gewoonlik: “Carte Blanche.” En g’n wonder
nie, want saam met Derek Watts was sy omtrent ’n instelling op ’n
Sondagaand. Verstommend genoeg sal dit in Junie volgende jaar
tien jaar wees sedert Ruda kykers gegroet het – een van die grootste
veranderinge in haar lewe.
“Uiteindelik was dit vir my stremmend, ongelukmakend.”
Sy dink ’n oomblik. “Is dit ’n woord? Maar dit is hoe ek teen
die einde gevoel het. Dit uitgangspunt is ‘find the villain of the
week and nail him to the wall’.”
Die sprong in die duister was ’n waagmoedige een, maar
deure het vir haar oopgegaan, ander het sy self oopgegooi. Die
grootste vreugde, sê sy, is om te kan kies. “Jy kan leer om ’n
harde, ondersoekende onderhoud te doen. Maar om iemand
sover te kry om jou te vertrou, oop te maak, om sy diepste
binneste in jou hand te sit ... dít verg baie meer.”
kykNET | UITGAWE 2 | 2016
En dít is presies wat sy moet doen in haar weeklikse onderhoud
op VeranderDinge.
In die eerste reeks is net op vroue gefokus. Met die tweede
reeks word die net wyer gegooi, en nou gesels mans ook oor ’n
“veranderingsmoment” in hulle lewe: “Iets wat met jou gebeur het
of ’n besluit wat jy geneem het – ’n oomblik wat jou lewe verander
het,” verduidelik Ruda.
Kykers kan uitsien na onderhoude met onder andere Jonathan
Shapiro, beter bekend as die spotprentkunstenaar Zapiro; die
renjaer Gugu Zulu; prof. Nicola Kleyn, dekaan van die Gordoninstituut vir Sakewetenskap aan die Universiteit van Pretoria; die
spanningskrywer en joernalis Karin Brynard; die voormalige Mej.
Wêreld Rolene Strauss; Patricia de Lille, Kaapstadse burgemeester;
die sangeres Sonja Herholdt; die joernalis en politieke kommentator
Max du Preez; Angel Jones, stigter van die Homecoming Revolu
tion; die skerpskerts-komediant Marc Lottering en prof. Jonathan