| Hotel
’n "Mocumentary" – in Afrikaans mokumentêr – is iets
tussen ’n dokumentêre program en ’n komedie, en
word al sedert die jare sestig gehoor. Hotel is ’n nuwe
Suid-Afrikaanse mokumentêr wat op 4 Julie begin.
Hotel speel af in die piepklein Fransenburghotel, wat deur die Lourier-hotelgroep ge
koop word. Die groep stuur dan ’n kon
sultant om te kyk hoe dinge daar loop, en die
konsultant, bestuurder en personeel moet
ondanks hulle wankelende bestuursvernuf
aanpas om die sukkelende plek aan die gang
te hou.
Dit is die eerste TV-reeks in die bekwame
hande van Bennie Fourie en Stiaan Smith,
albei vorige wenners by die Silwerskermfees
– Bennie vir Vuil Wasgoed, wat in 2014 as
die beste kortfilm aangewys is, en Stiaan in
2015 vir die draaiboek van Beurtkrag.
Bennie en Stiaan het die reeks geskryf en
ook die regie behartig.
Waar het julle aan die idee vir die
reeks gekom?
44
Bennie: Van my gunsteling-shows op
TV die laaste paar jaar was mokumentêre,
en ek het besluit ek wil graag ’n storie in
daardie genre vertel. As skrywer is dit vir
my ’n ontsaglike lekker genre om in te
speel, omdat dit jou die geleentheid gee
om die karakter eenkant toe te trek, vrae
te vra en karakters af te loer.
kykNET | UITGAWE 2 | 2016
Is daar ’n bietjie Fawlty Towersinspirasie?
Bennie: Die gedagte om die storie in die
hotelwêreld te laat afspeel het eintlik gekom
omdat ons ’n plek gesoek het waar ’n klomp
karakters gedwing word om saam te werk.
’n Hotel leen homself daartoe. Dit help ook
dat ’n hotel sulke duidelik gedefinieerde
posbeskrywings het wat die kyker ken. Ons
is albei groot fans van Fawlty Towers, maar
glo Hotel ontgin ’n ander soort komedie.
Wie is in die rolverdeling?
Bennie: Vir ons werk dié genre die beste
met ’n groot ensemble van rolverdelings.
Ons het agt permanente karakters waarom
die storie draai.
Stiaan: Ons is baie opgewonde om saam
met die gesoute akteur James Borth
wick
te werk – hy speel die rol van die hotelbe
stuurder. Dan is daar Schalk Bezuidenhout:
Hy is bekend as ’n fantastiese komediant,
maar ons glo mense gaan verras wees om te
sien hy is net so ’n belowende akteur. Ander
mense in die rolverdeling is Simoné Nortmann as die ontvangsdame, Beer Adriaanse
as die konsultant, Martelize Kolver wat vir
Bennie Fourie
bemarking en ekskursies verantwoordelik is,
en Sandi Schultz as die sjef. Graham Weir is
die opsigter en Mila Guy die kelnerin.
Wat is die grootste uitdaging met
die skryf van ’n komediereeks?
Stiaan: Om snaaks te wees.
Bennie: Om vir Stiaan te sê hy is nie
snaaks nie.
Wat is die grootste uitdaging met
die maak van ’n TV-reeks?
Stiaan: Ek dink dit gaan oor opofferings.
’n Mens gaan altyd opofferings moet maak,
want die hulpbronne is beperk en die uit
daging is om te weet wat jy bereid is om