David Vlok |
“Maar tog ... ek dink nie ek is só streng
nie. Vroeër in my lewe was ek meer van
’n Gideon as wat ek nou is. Nou is ek
rustiger. Ek is nie meer so grim nie.”
Grim of nie – kykers gaan mal wees
oor Gideon, en sterk met hom identifiseer.
“Gideon Bekker is ’n pa wat nie nonsens
vat nie. Hy is streng en baie konserwatief.
Sy seun speel rugby en hy het soveel
verwagtinge en drome vir hom – maar ook
vir sy ander kinders.”
David lag wanneer ’n mens hom vra
hoe natuurlik die rol vir hom gekom
het. “Ek dink ek gaan baie kritiek kry
van my eie twee kinders. Hulle gaan sê:
‘Pa, dis alles nes jy.’ Hulle gaan sê dis nie
toneelspel nie!”
Min mense weet David Vlok was
voor sy rol in Egoli ’n waaghalsakteur
in B-lys-Hollywood-flieks. “Ek het in al
die gevegstonele gespeel en hier en daar
klein rolle gekry waar ek ’n kar moes
omrol of ‘Ek gaan jou doodskiet!’ skree.”
In die jare negentig het hy ’n rol
losgeslaan in Ballade vir ’n Enkeling …
en toe kom Egoli.
“Egoli was ’n verskriklike groot sepie.
Nie een van ons het dit verwag nie. Dit
het my lewe hééltemal verander. Ek het
dadelik van ’n junior akteur gevorder tot
op die vlak van Sandra Prinsloo en Gé
Korsten.”
Al het Egoli in 2010, ná 18 jaar op die
kassie, tot ’n einde gekom, word hy steeds
op straat erken, lag David verleë. “Ek was
amper 15 jaar in Egoli – eers as ’n blinkoogonderwyser en later as die sluwe sakeman
wat toe in sy kantoordeur by Walco dood
geskiet is. Dis ’n lang tyd wat ek in mense se
sitkamers was.”
Egoli het van akteurs supersterre ge
maak. “Aan die begin het nie een van ons
geweet wat met die reeks gaan gebeur nie.
Maar later het honderde briewe elke dag
in elke akteur se posbus beland. Niemand
kon in die strate loop nie – dit was soos
Hollywood. Eers met ons eerste roadshow
in Bloemfontein, toe daar tussen 30 000
en 40 000 mense opdaag, het ons gesien
presies hoe suksesvol Egoli is.”
Ná die sepie se einde het David teater
werk gedoen en ook ’n restaurant oop
gemaak. En hy het weer begin tyd be
stee aan sport – hy het immers al 20
Comrades-wedlope kafgedraf en doen al
30 jaar lank karate. Hy en sy vriend die
Comrades-koning Bruce Fordyce het die
program Vlok and Fordyce on the Run op
SuperSport aangebied waar hulle onder
meer vir behoeftige kinders kos gegee het.
Hy het ook motiveringspraatjies gehou,
veral ná sy 20ste Comrades-marathon wat
hy met groot drama voltooi het. Hy het die
oggend verslaap, en dit was so hittete of
hy het die wedloop gemis – hy het tegnies
van die beamptes af “weggehardloop”
sodat hulle hom nie kon keer nie. En hy
het die eindstreep gehaal.
“Om by daardie punt te kom en dan
laat wakker te skrik – en om dit dan klaar
te maak! Ek wil ’n kortfilm daaroor maak,
net om te wys as jy iets wíl bereik, dan
kán jy. Soveel atlete het vir my gesê hulle
sou in die bed gebly het.”
Tussendeur was daar ook rolle in 7de
Laan, Generations en later Sterlopers – dit
was juis in Sterlopers waar hy die rol van
’n pa gespeel het, ’n rol wat die weg gebaan
het vir Getroud met Rugby – Die Sepie.
“Ek het teenoor Nadia Beukes gespeel
en ons het baie goed gekliek. Deon het
gesê ek moet kom vir ’n oudisie. Ek het
nie geweet waarvoor nie, maar ek het nie
temin gegaan. Toe bel Deon later en sê ek
is reg vir die karakter van die patriarg van
die Bekker-familie.”
Wat Getroud met Rugby – Die Sepie vir
hom lekker maak, is dat dit ’n sepie is met
’n storielyn wat vinnig beweeg en ’n lekker
ritme het. “Ons het die beste skrywers. Dis
nie maklik nie, maar ek dink ons maak ’n
goeie sepie. Dit gaan ’n nuwe soort sepie
wees met ’n nuwe formule. En elke nou
en dan dink ek gaan Deon dalk die David
Vlok van tien jaar gelede vir mense wys.”
Ons hoop nie Gideon Bekker word ’n
skelm nie …
Getroud met Rugby – Die Sepie word weeksaande om
18:30 op kykNET (DStv-kanaal 144) uitgesaai.
Die Bekkers is van links voor Nina (Jocelyn Broderick) en Gideon (David Vlok) en van links agter
Chrizanda (Melissa Willering), Reitz (Sean van Noordwyk), Tommie (Arno Greeff) en Lorette (IlseLee van Niekerk).
2016 | UITGAWE 2 | kykNET
37