Musiekblad |
Moedersdag is om die draai, en daarom het Daantjie Badenhorst
na vier nuwe vrystellings deur vroulike kunstenaars gaan luister.
Nogtans Sal Ek Sing Breek die Stilte
Dis Hier Dis Nou
Heilig is U Naam
deur Anneli van Rooyen
deur Jacqueline
deur Belinda Brönner
Anneli is ’n ware legende van
Afrikaanse musiek, maar haar
sangloopbaan is onderbreek
deur ’n operasie wat onherstel
bare skade aan haar gesig- en
mondsenuwees aangerig het.
Nogtans het sy teen die einde
van verlede jaar haar eerste
nuwe album in 12 jaar vry
gestel. In die titelsnit, haar eerste
nuwe komposisie in baie jare,
loof sy die Here te midde van
haar moeilike omstandighede
en sing sy openhartig oor haar
geloof. Die album bevat ook
ander Christelike liedere, soos
“Seënbede”, “Neem ons bede
aan”, “Halleluja” en “Naggebed”.
Dis goed dat Anneli haar sang
loopbaan hervat het – haar
aanhangers sal beslis nie teleur
gesteld wees nie!
deur Cordelia
Hoewel Cordelia se debuutalbum al in 2010 verskyn het, was
hierdie album haar groot deurbraak, veral nadat “Mal in Jou
Kop” so ’n groot treffer geword
het. Sedertdien het sy ’n bekende
gesig op kykNET geword, veral
in programme soos Jukebox,
Jam, Fiësta en Sterlopers. Met
hierdie album gee Cordelia die
luisteraar ’n kykie na wie sy regtig is, veral op snitte soos “Eerste
Woorde” en “As dit Reën”, wat
oor ware lewensgebeurtenisse
gaan. Hoewel dié album kommersieel toeganklik is, vermy sy
die slaggate waarin soortgelyke
kunstenaars trap. Daar is geen
oppervlakkige lirieke nie; jy sal
nie ’n Engelse woord hoor nie;
en al die liedjies op die album is
oorspronklike Afrikaanse komposisies. Cordelia verdien beslis
om selfs nóg gewilder te word as
wat sy reeds is.
Hier is iets radikaal nuuts in
Afrikaans. Vir die eerste keer
het ’n kunstenaar dit gewaag
om vokale trans-musiek in
Afrikaans op te neem, en dit
sal ’n rukkie duur voordat
’n mens daaraan gewoond
raak. “Dis Hier en Nou” is ’n
radiotreffer, en hopelik sal
snitte soos “Stoksielalleen”
en “Vinkel en Koljander”
dieselfde sukses behaal. Dit is
beslis nie jou gewone Afri
kaanse musiek nie, maar enig
iemand met ’n oop gemoed
behoort die album te geniet.
Jacqueline moet gelukgewens
word met haar waagmoed.
Hoewel Belinda Brönner se
dogter, Liza, al ’n klompie jare
op die plaaslike musiektoneel is,
is dit Belinda se eerste album.
Op Heilig is U Naam span sy
saam met ’n aantal vriendinne,
onder wie Lindie Strydom,
Mandi Baard en ook Liza, en
die resultaat is een van die
beste Christelike albums wat
die laaste tyd verskyn het. Die
eerste snit is “Gebed vir ons
Land”, ’n pragtige lied waarvan
’n musiekvideo vervaardig is en
wat ’n groot treffer behoort te
word. Onder die ander hoogte
punte tel “Troon van Genade”,
“U is Waardig” en verwerkings
van Psalm 24 en die “Onse
Vader”. Hierdie album word
sterk aanbeveel.
35