| Winterkos
Warmte op ’n bord …
Gevlegte vark
met Mal Miem se
braaisous
Die geheim van hierdie heerlike vark
gereg lê natuurlik in die sous. Hierdie
hoeveelheid maak ongeveer 1,5 ℓ wat
jy vir tot ’n maand in die yskas kan
hou. Dit is ook ’n gawe geskenk.
Jy benodig
Gevlegte vark
met Mal Miem
se braaisous.
3 dikgesnyde varkrepe (rashers) per
persoon
VIR DIE BRAAISOUS
»» 5 naeltjies, fyngestamp
»» 10 lourierblare
»» 1 eetlepel (15 ml) vinkelsade
»» 1 teelepel (5 ml) komynsade
»» 2 eetlepels (30 ml) geskroeide
koljandersaad, grofgestamp
»» ’n paar knippies sout en
grofgemaalde swartpeper
»» 2 eetlepels (30 ml) gerookte
paprika
»» 1 teelepel (5 ml) rissievlokkies
»» 5 knoffelhuisies, fyngestamp
»» gerasperde skil en sap van 2
groot suurlemoene
»» sap van 3 groot lemoene
»» ’n hand vol vars koljanderblare,
gekap
»» 10 vars tiemietakkies, gekap
»» 5 vars roosmaryntakkies, gekap
»» ½ koppie (125 ml) heuning
»» ½ koppie (125 ml)
balsemiekasyn
»» ½ koppie (125 ml) sojasous
»» 3 koppies (750 ml) goeie
tamatiesous
»» 1 blikkie (70 g) tamatiepasta
»» ½ koppie (125 ml) olyfolie
»» ½ koppie (125 ml)
sonneblomolie
Só maak jy
1 Maak die braaisous deur al die
bestanddele saam te meng en dit
dan in bottels te skink wat jy met ’n
kurkprop verseël.
2 Berei die vleis deur elke varkreep
oor die lengte in drie eweredige repe
te sny – maar hou die een punt heel.
Vleg nou die 3 repe en steek die
punte met ’n tandestokkie vas.
3 Marineer die vleis oornag in Mal
Miem se braaisous. Dreineer en braai
dit stadig oor matige kole.
32
kykNET | UITGAWE 2 | 2016