Suidooster |
Het jy enige eienskappe van jou ma?
Ek dink my ma is ’n goeie mengsel van kreatief
en analities, en ek glo ek het dit van haar geërf.
Watter invloed het jou ma op jou lewe?
Al bly ek en my ma nie in dieselfde provinsie nie,
is sy elke dag by my, in my agterkop, besig om
my op die regte pad te hou. My ma glo ’n mens
moet altyd jou instink vertrou – ek probeer vol
gens daardie uitkyk lewe.
Indien jy self ’n ma was, wat sou jou
drome vir jou kinders wees?
Dat hulle baie geleenthede sal kry om te reis, en
dat hulle sal besef die enigste manier om deur
die lewe te kom is om opreg te wees.
Hoe lyk die ideale Moedersdag vir
jou?
’n Woody Allen-fliek by die Brooklyn Cinema
Nouveau en ’n sjokolade-martini ná die tyd by
Tribeca. Dié ritueel is al jare lank ’n tradisie vir
my en my ma.
Wie, behalwe jou eie ma, sou jy as ’n
ma wou hê?
Ek kan my glad nie voorstel dat enigiemand
anders behalwe my regte ma met my wispulturige
geaardheid en snaakse idees sal kan cope nie.
As jy aan die woord “ma” dink, wat is
die eerste woord wat by jou opkom?
Flambojant.
Wat is jou gunsteling-herinnering van
jou ma?
Toe ek nog op laerskool was, het ek en my ma
amper elke dag vir ons elkeen ’n koppie swart tee
gemaak en om 17:00 voor die televisie gaan sit om
Days of Our Lives te kyk. Ons het altyd probeer
voorspel wat volgende gaan gebeur. En toe ek ’n
bietjie ouer was, het ’n glasie Old Brown-sjerrie
die koppie tee vervang.
Van links is Greta, haar ma, Elna, en haar twee broers,
Ben en Cobus, tydens ’n vakansie in Mauritius.
Suidooster word op Maandae, Dinsdae en Woensdae om 18:00 op kykNET en
kykNET&kie uitgesaai, met ’n herhaling op daardie aande om 20:00 op kykNET&kie.
Klik
hier vir die
Suidoostertemaliedjie, gesing
deur Alistair
Izobell.
29