Vlerksleep |
oppervlakkige beskrywings dalk ’n projeksie
van ’n oppervlakkige stelsel?”
Gestel jy is reeds in ’n verhouding met
iemand en jy kom glad nie met die familie of
vriende oor die weg nie …
“Jy moet bepaal watter rol die betrokke
familielid en/of vriend in jou lewe gaan speel,”
sê Irene. “Indien dit een of twee mense is met
wie jy nie oor die weg kom nie, kan jy nog met
jouself onderhandel en sê jy sal uit hulle pad
bly. Indien dit die hele boksemdais is, is die
kans skraal dat die verhouding kan werk, want
jou maat hou dalk van almal en verwag van
jou om dieselfde te doen. Indien dit nie vir jou
werk nie, klim op jou fiets en laat spaander!”
“ ’n Verhouding waar jy met die persoon
se naastes klaarkom, het ’n groter kans op
oorlewing,” sê Marleen. “Dis nou as die par
tye in die verhouding gelukkig en vervuld is
en nie afhanklik van die ander persoon of die
verhouding self is om ’n ervaring van betekenis
volheid te kry nie.”
Die 3 pilare van
’n gesonde verhouding
“ ’n Gesonde verhouding is soos ’n driepoot
potjie wat deur ’n liefdesvlam aangevuur word
en wat staan op ’n gesonde balans tussen ’n
ons, ’n jy en ’n ek. Die ons-gedeelte bevestig
dat ons bymekaar wil wees, dat ons vrywillig
in die verhouding is, dat ons mekaar sal liefhê
en respekteer, dat ons mekaar se behoeftes in
ag sal neem, dat ons sal luister na die ander se
verwagtinge en begeertes, en dat ons gesonde
interaksie sal hê.
“Die jy-gedeelte bestaan uit die wete dat jy
’n lewe het wat van jou maat verskil, en dat
julle sal verstaan as die een persoon so nou
en dan iets sonder die ander een wil doen.
“Die ek-gedeelte bestaan uit die ruimte wat
jy vir jouself skep vir die uitlewing van jou
unieke persoonlikheid en dat jy sal tyd afstaan
aan iets wat jou siel verkwik sonder om skuldig
te voel.” – Dr. Irene Strydom
“Die drie belangrikste pilare is kommunikasie,
ruimte en vertroue en onvoorwaardelike aan
vaarding van die self en ander.” – Dr. Marleen
de Villiers
Vlerksleep
Vlerksleep word vanaf
4 Julie 2016 om 21:00 op kykNET
(DStv-kanaal 144) uitgesaai.
25