| Vlerksleep
Die kuns van
VLERKSLEEP
Trou jy ook met die familie?
By wie moet jy vlerksleep as jy ’n nuwe geliefde soek? Hoe belangrik is vriende en
familie in ’n verhouding? Ons het by twee sielkundiges gaan kers opsteek.
Vlerksleep, kykNET se nuwe werklikheidsreeks waar alleenlopers
nuwe liefde soek, is ’n reeks met ’n verskil. Hier moet jy eers by
die familie en vriende verbykom voor jy jou potensiële maat kan
ontmoet.
Dit werk so: Die enkellopende deelnemers moet eers by die
vier potensiële maats se vriende en familie vlerksleep voordat
hulle hul keuse maak. Hulle moet meer uitvind
oor die persoon sonder om hom of haar te
ontmoet, en dán eers kies die deelnemer een
maat vir ’n afspraak.
Maar is die persoon wie die familie en
vriende sê hy/sy is?
“Om in ’n familie in te trou of ’n nuwe
verhouding te begin is soos om in ’n nuwe
woonbuurt in te trek,” sê dr. Irene Strydom, ’n
sielkundige van Wellington in die Wes-Kaap.
“Jy behoort nie sommer by die nuwe huis in te
trek as jy nie darem iets weet van jou knorrige
ou buurman of die gevare van die drinkplek
langs jou huis nie.
“Dieselfde geld vir ’n nuwe verhouding.
Jy betree ’n totale nuwe sosiale stelsel wat
nie sommer gaan verander of noodwendig
by jou gaan aanpas nie. Jy behoort jou maat
se familie en vriendekring te bestudeer, en
eers as waarnemer te kyk hoe hulle lewe en
of jy gemaklik is daarmee. Die volgende stap
sou wees om te ontleed watter uitwerking
dié inte