| Breyton Paulse
Daar was diegene wat
gemeen het hy is te klein om
internasionaal rugby te speel,
maar Breyton Paulse het sy
kritici stil gespeel. Hy gesels
met Louis de Villiers oor sy
loopbaan op die rugbyveld
en nou voor die TV-kameras.
T
wee senior Springbokke het kopskuddend
oor die 20-jarige nuweling in die toerspan
geskinder: “Hy wou nie sy inlywingsdop
afsluk nie, en toe iemand aanbied om dit namens
hom te doen, het hy ook dít geweier. ’n Suurgat.
Maar hel, wat ’n speler …”
Dit was einde 1996, en ’n bloedjong Breyton
Paulse het die eerste keer saam met die Spring
bokke getoer. Sy ouer spanmaats – die hele kaboedel
minstens twee jaar ouer as die Matie – het sy
beginselvastheid vir suurheid aangesien, maar hulle
het ook dadelik geweet hy is spesiaal.
Breyton glimlag maklik en kom met die meeste
mense goed oor die weg. Sonder dié eienskappe sou
hy immers nie nou al amper vyf jaar saam met sy
oudspanmaat Toks van der Linde die gewilde Toks
’n Tjops op kykNET aangebied het nie.
“Ek en Tokka en Janina (Oberholzer) het niks
voorsien van wat sou kom nie, maar ons het gou
aangevoel die publiek geniet dit. Maar hier gaan
ons steeds aan met ’n program wat vir 2011 se
Wêreldbekertoernooi bedoel was.
“Die resep werk en dis baie eenvoudig: Doen
min of meer wat jy by die huis sou doen saam met
jou pêlle. Luister musiek, braai en praat lekker
nonsens. G’n ego’s nie, alles bly eg en informeel.”
Hy het ’n lang pad gekom sedert hy in 1995 as
plaaswerkerskind uit die Koue-Bokkeveld met die
hulp van Charles du Toit, sy ma se werkgewer, op
Stellenbosch gaan studeer het.
“Almal het drome, maar dat ek ’n Springbok
en TV-aanbieder sou word, dáárvan het ek nooit
30
kykNET | UITGAWE 2 | 2016