#aktualiteit
OP REKORD
Die opspraakwekkendste opmerkings die afgelope jaar op kykNET se
aktualiteitsprogramme: KN Verslag, Prontuit, Winslyn, KN Verslag In Gesprek en Flits.
‘Die oomblik wat daai
vlag begin wapper, gee dit
ongelooflik baie skietgoed
vir enigiemand wat die hele
aksie wil diskrediteer.’
– Inge Kühne, adjunkredakteur van Rapport,
oor die Swart Maandag-protesoptrede.
7 November, KN Verslag
‘Baie van die uitdagings
wat frustrasies by daai
tipe onderwysers veroor-
saak, gaan nie met lyfstraf
opgelos word nie.’
– Liezel de Lange, besturende redakteur van
Rapport, oor voorvalle waar onderwysers kinders
aanrand. 12 September, KN Verslag
‘JACOB ZUMA IS EENVOUDIG ’N
SIMPTOOM VAN DIE BREËR ANC.’
– Mmusi Maimane, DA-leier. 26 April, KN Verslag in Gesprek
‘Ons kan nie toelaat dat
ons ‘n volle gangster-
staat raak nie, en ons is
op die rand daarvan.’
– Jacques Pauw, joernalis en skrywer van
The President’s Keepers. 1 November,
KN Verslag in Gesprek
‘Mense luister met
hulle ore, maar hulle
voel met hulle hart.’
– Craig Lucas, wenner van The Voice, oor
waarom sy musiek by mense aanklank vind.
13 Julie, Flits
10
‘
900
miljoen mense gaan in
die volgende dekade
stede toe verhuis. Ons
móét dit in ag neem
wanneer ons projekte vir
die toekoms aanpak.’
– Rashiq Fataar, hoof van Our Future Cities,
oor die infrastruktuur in Afrika en die toekoms.
22 Augustus, Winslyn
‘Buiten die MIV-vigs-fiasko is hierdie die grootste
mediese mistasting sedert die val van apartheid.’
– Jack Bloom, DA-woordvoerder oor gesondheid, oor die dood van 93 mense (in daardie stadium)
in die Life Esidimeni-skandaal. 8 Februarie, KN Verslag in Gesprek
‘Ek dink as dinge ekonomies moeilik raak, in enige
konteks in enige land, dan begin die goed wat ’n bietjie
dieper gebêre lê, krap – en ons begin wonder daaroor.’
– Dr. Leslie van Rooi van die Universiteit van Stellenbosch oor voorvalle van rassespanning.
3 Augustus, KN Verslag
‘My Suid-Afrika hét geleenthede.’
– Elmarie Goosen, wat ná 17 jaar in Engeland teruggekeer het na Suid-Afrika. 7 Augustus, Prontuit
Prontuit Maandae om 22:00 Winslyn Dinsdae om 22:00 In Gesprek Woensdae om 21:30
Flits Donderdae om 22:00 en kykNET Verslag Maandae, Woensdae en Donderdae om 21:30
op kykNET, kanaal 144
kykNET | DESEMBER 2017-JANUARIE 2018
11
DESEMBER 2017-JANUARIE 2018 | kykNET